אידישע וועלט פארומס

אזוי וויל איך האט געשריבן:

טשאדעלע באדעלע האט געשריבן:אקעי, כ׳האב זיך שוין דערמאנט צו וואס כ׳האב צוקומען. און קענסט טאקע זעהן ס׳קעפל איז געטוישט געווארן..

איז אזוי, יעדעס יאר פר׳ ויגש קומען די קליינע אהיים מיט א זמר׳ל וואס די מלמדים האבן מיט זיי געלערענט, און דאס איז דעם אלעם באקאנטער איר אלטע ניגון הידוע ״שרח בת אשר שפילט אויף א פידעל״ וכו׳..

וואס שטערט איז מיר שוין לאנגע יארן איז, ס׳ווערט אראפגעלייגט ווי כאילו ס׳איז מקובל מדורו דורות אז אט דעם ליד איז איז געזינגען געווארן דורך שרח אליין פארן זיידן יעקב אבינו, ביים אים מבשר זיין די בשורה אז עוד יוסף חי׳ וכי הוא משל בכל ארץ מצרים.

לכאורה שטומטעך עס נישט. ווייל וויזוי איז מעגליך אז דאס איז טאקע געווען די ניגון וואס זי האט געזינגען, ווען די ערשטע צוויי שורות דערפון איז די ווערטער ״שרח בת אשר שפילט אויף א פידעל פארן אלטן זיידן יעקב גאר א שיין לידעל״..?.. דאס איז דאך די דיסקריפציע פונעם ניגון אליין!?..וואס הייסט, זי אליין זאגט אז זי שרח שפילט פארן זיידן יעקב א שיין לידעל!?.. ס׳איז דאך נעריש צו זאגן אז אזוי איז געווען.

ואת״ל אז אין אמת׳ן אריין האט זי יא געזונגען טאקע דעם ניגון, איי ס׳שטומט נישט. וואזשע דען, מ׳וועט מיזן איינזעצן אז זי האט טאקע אנגעהויבן ביים דריטן שורה ״איך בין געקומען שפילן איך בין געקומען שרייען״..

שטומטעך עס ווייטער נישט, ווייל אויב אזוי שניידסטו ארויס די ערשטע צוויי שורות, קומט אויס אז די האסט גע׳הרג׳ט דעם גאנצן ערשטן פאל פונעם ניגון אליין, און כ׳לייב נישט אז שרח האט אנגעהויבן זינגען וועטער אינמיטן א ניגון.

וצ״ע

דיין געוואלדיגע קשיא דערמיינט מיר א צווייטע קשיא וואס איינער האט מיר געפרעגט דעם חנוכה.
וויאזוי איז געגאנגען די עכטע דריידל שפיל וואס די קינדער האבן געשפילט אין וואלד ווען די יוונים זענען געקומען?
עס קען נישט זיין נס גדול היה שם ווייל דעס דערציילט דאך שוין די ישועה.
ווער קען ענטפערן?

קניידל פארעם האט געשריבן:דאס איז ביידע פון דעם אויבנדערמאנטן טעיפ

אסדר לסעודתא האט געשריבן:איי, וויאזוי גראמט עס אזוי שיין?

טשאדעלע באדעלע האט געשריבן:..געקומען שרייען
..מלך אין מצרים

..גאנצן לאנד
..יוסף׳ס האנט

ס׳גראמט טאקע נישט.

סאכדעס האט געשריבן:יא סיז קלאר זיך אוועקגערוקט פון די מסורה, אריין אין מחאות אשכול.

טשאלענט האט געשריבן:

סאכדעס האט געשריבן:יא סיז קלאר זיך אוועקגערוקט פון די מסורה, אריין אין מחאות אשכול.

דאס איז נישט פלעין אוועקגערוקט פון מסורה, דא רעדט מען פון א מלמד וואס לייגט רח"ל אריין אין די קינדער די געפערליכע גיפט!!!

דאס מוז אויסגעראטן ווערן!!!

ס'טע געהערט אזאנס?

די ניגון וואס איז מקובל מדור דור, און אזאנס צו פארדרייען?

איי געס ער האט נישט געקענט באקומען קיין רשות פון די ארויסגעבער (גענומען מיט רשות...) האט ער געמאכט אן אייגענס, און עס איז בכלל נישט זיין שולד אז עס איז געלונגען ענליך צו דעם באקאנטן מקובל'דיגע ניגון...