אלעס ארום ל"ג בעומר פייערס אין חו"ל

גריסן און שמועסן

אחראי: אחראי

אוועטאר
פערפעקט
שר האלף
תגובות: 1953
זיך איינגעשריבען אום: דינסטאג אוגוסט 31, 2010 5:41 pm

תגובהדורך פערפעקט » מיטוואך מאי 25, 2016 4:49 pm

איש חמודות האט געשריבן:
ויתן לך האט געשריבן:מיך באדערט אויך די נושא
פארצייטישע צדיקים איז נישט איינגעפאלן צו מאכן פייערס ל"ג בעומר, וואס איז נתחדש געווארן די לעצטע יארן

פון די רבי'ס פון פריערדיגן דור (שנולדו בשנות הת"ר) איז טאהשער רבי זי"ע מיין איך געווען דער איינציגסטער וואס האט עס איינגעפירט בקהלתו.

דאכצעך קאשוי אויך
Definition of perfect: as good as it is possible to be

אוועטאר
משיח
שר האלפיים
תגובות: 2656
זיך איינגעשריבען אום: מיטוואך יולי 22, 2009 1:09 pm

תגובהדורך משיח » מיטוואך מאי 25, 2016 4:55 pm

הדלקות איז אייביג געווען איינגעפירט אין ארץ ישראל,
ס'איז א וועג וויאזוי די בני ארץ ישראל האבן געפייערט זייער יום טוב בהילולא דבר יוחאי,
אין חו"ל איז פאר 50 יאר צוריק כמעט נישט געפראוועט געווארן דעם יום טוב,
ס'פלעגט זיין אדמורי"ם וואס האבן געפירט א טיש, אבער אזויווי יעדע יומא דפגרא טיש, נישט מער,
און ס'נישט געווען קיין גרויסע עולם וואס איז געפארן אויף ל"ג בעומר,
צוביסלעך איז געווארן מער איינגעפירט גרעסערע מערכות און קהילות און מווסדות, בעיקר דורך די אידן הבאים מארץ ישראל,
און די געפאראכץ איז געווארן מער און מער, ממילא מער מענטשן פילן אז זיי האבן א שייכות מיט רבי שמעון'ען,
אזוי איז נשתרבב געווארן די מנהג ארץ ישראל אויך אין חוץ לארץ,
Professional bookkeeping for your small business
benyomin@thebookkeepingpro.com | 347-708-2079

ניסעל
שר מאה
תגובות: 136
זיך איינגעשריבען אום: מיטוואך אוקטובער 29, 2014 5:10 pm

תגובהדורך ניסעל » מיטוואך מאי 25, 2016 4:57 pm

דער קאשויער רב האט דאס נישט איינגעפירט.
ביים קאשויער רב איז דער אל תטוש געווען דאס שווארץ אפעל פון אויג.
אין קאשוי איז עס געווען א בחורישע אקציע וואס דער רבי האט נישט געשטערט.
שפעטער איז ער שוין אויך געגאגען דארט זינגען בר יוחאי.
אין די לעצטע איטליכע יאר עלי אדמות, ווען דער ספר תורה איז געווען שרו בצער, האבען די בחורים טאקע אויף געהערט דעם מנהג.

אוועטאר
קעלנער
שר חמש מאות
תגובות: 839
זיך איינגעשריבען אום: מיטוואך פאברואר 18, 2009 4:34 pm

תגובהדורך קעלנער » מיטוואך מאי 25, 2016 4:58 pm

משיח האט געשריבן:הדלקות איז אייביג געווען איינגעפירט אין ארץ ישראל,

הדלקות אין א"י אינדרויסן פון מירון, האט זיך אנגעהויבן סוף פון די ת"ר יארן ווען מ'האט געמאכט די חרם נישט צו פארן קיין מירון פאר 5 יאר. ביז דעמאלט איז נישט געווען א הדלקה נאר אין מירון.
לעצט פאראכטן דורך קעלנער אום מיטוואך מאי 25, 2016 4:59 pm, מאל פאראכטן געווארן 1 סך הכל.

איש חמודות
שר האלף
תגובות: 1598
זיך איינגעשריבען אום: מאנטאג אוגוסט 17, 2015 9:42 am

תגובהדורך איש חמודות » מיטוואך מאי 25, 2016 4:59 pm

ניסעל האט געשריבן:דער קאשויער רב האט דאס נישט איינגעפירט.
ביים קאשויער רב איז דער אל תטוש געווען דאס שווארץ אפעל פון אויג.
אין קאשוי איז עס געווען א בחורישע אקציע וואס דער רבי האט נישט געשטערט.

וויאזוי שטימען די צוויי שורות? אויב איז די אל תטוש געווען ביי אים ווי די שווארץ אפעל פון אויג, פארוואס טאקע האט ער נישט געשטערט די בחור'ישע אקציע?

אוועטאר
משיח
שר האלפיים
תגובות: 2656
זיך איינגעשריבען אום: מיטוואך יולי 22, 2009 1:09 pm

תגובהדורך משיח » מיטוואך מאי 25, 2016 5:10 pm

סאיז א מנהג וואס האט זיך אנגעהויבן אין מירון,
משם לשער ארץ ישראל,
ומשם לחוץ לארץ.

מיט קיין פירצות, אינטעימענט, שיכור'ן תמשה עשר באב, האט עס נישט קיין שייכות,

ענט
Professional bookkeeping for your small business
benyomin@thebookkeepingpro.com | 347-708-2079

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » מיטוואך מאי 25, 2016 5:11 pm

איש חמודות האט געשריבן:
ניסעל האט געשריבן:דער קאשויער רב האט דאס נישט איינגעפירט.
ביים קאשויער רב איז דער אל תטוש געווען דאס שווארץ אפעל פון אויג.
אין קאשוי איז עס געווען א בחורישע אקציע וואס דער רבי האט נישט געשטערט.

וויאזוי שטימען די צוויי שורות? אויב איז די אל תטוש געווען ביי אים ווי די שווארץ אפעל פון אויג, פארוואס טאקע האט ער נישט געשטערט די בחור'ישע אקציע?

דער תירוץ איז "בדלית ברירה"; דער יוגענט פירט די עלטערע ביי די נאז. די חסידים ווילען און דער רבי גיבט נאך.

ווילאנג עס איז נישט א עבירה, און ווי איינער האט געזאגט נישט א פירצה, נו גיי שלאג זיך...
עת לחשות ועת לדבר - קהלת ג ז

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » מיטוואך מאי 25, 2016 5:15 pm

משיח האט געשריבן:סאיז א מנהג וואס האט זיך אנגעהויבן אין מירון,
משם לשער ארץ ישראל,
ומשם לחוץ לארץ.

מיט קיין פירצות, אינטעימענט, שיכור'ן תמשה עשר באב, האט עס נישט קיין שייכות,

ענט

ס'מיר גוט, ס'איז שוין א "מנהג" אין חוץ לארץ.

באלד גייט מען זאגען אז איך שלאג זיך מיט מנהגים...
עת לחשות ועת לדבר - קהלת ג ז

ניסעל
שר מאה
תגובות: 136
זיך איינגעשריבען אום: מיטוואך אוקטובער 29, 2014 5:10 pm

תגובהדורך ניסעל » מיטוואך מאי 25, 2016 5:19 pm

איש חמודות האט געשריבן:
ניסעל האט געשריבן:דער קאשויער רב האט דאס נישט איינגעפירט.
ביים קאשויער רב איז דער אל תטוש געווען דאס שווארץ אפעל פון אויג.
אין קאשוי איז עס געווען א בחורישע אקציע וואס דער רבי האט נישט געשטערט.

וויאזוי שטימען די צוויי שורות? אויב איז די אל תטוש געווען ביי אים ווי די שווארץ אפעל פון אויג, פארוואס טאקע האט ער נישט געשטערט די בחור'ישע אקציע?


איינפירן א נייע מנהג גרעניצט זיך מיט אל תטוש.
צריקהאלטען אפאר צולאזטע בחורים האט ער געהאלטען - ביי דעם פרט- איז נישט אזוי וויכטיג . ווי מען זאגט, לאז עס אליין אויסוועפן. אין אזוי האט טאקע ווירקליך פארסירט. ווי אויבן דערמאנט.

ניסעל
שר מאה
תגובות: 136
זיך איינגעשריבען אום: מיטוואך אוקטובער 29, 2014 5:10 pm

תגובהדורך ניסעל » מיטוואך מאי 25, 2016 5:26 pm

איינער שיקט מיר דא אין אישי אז ער איז ניט סובל דעם גרויסען עולם ביי די גרויסע הדלקות. אבער אלס מנהג וועט ער אנצינדען א ציגאר אויף זיין טראסע, אין דערביי זינגען ניגוני התעוררות. נאכפאלגענדיג מיט בר יוחאי.

ווי האלט מען דא?
לעצט פאראכטן דורך ניסעל אום מיטוואך מאי 25, 2016 5:27 pm, מאל פאראכטן געווארן 1 סך הכל.

חסדי אבות
שר חמש מאות
תגובות: 604
זיך איינגעשריבען אום: מאנטאג יולי 15, 2013 1:49 pm

תגובהדורך חסדי אבות » מיטוואך מאי 25, 2016 5:26 pm

שמעו נא רבותי, צדיקים ידידים אהובים...

איך וועל פראבירן מיט מיינע עטליכע שורות מסביר צו זיין וואס עס גייט דא פאר, הגם עס איז נישט קיין לייכטע זאך און איך בעט טאקע פונעם בורא כל עולמים, אז ער זאל מיר אריינשיינען די ריכטיגע ווערטער, וואס זאלן זיין גענוג קלאר פארן עולם.

איבערבליקנדיג די היסטאריע פון כלל-ישראל מיט אירע מנהגים, געפינען מיר פיל מנהגים וואס האט זיך אנטוויקלט במשך די יארן באופנים שונים, ביז עס איז אנגענומען אין די היינטיגע טעג אלס קודש קדשים שאין רשות להרהר אחריה. ריכטיג, עס זענען פאראן אזעלכע מנהגים וואס גדולים וצדיקים האבן דירעקט איינגעפירט לתיקון הדור, אדער ווייל זיי האבן מגלה געווען די גרויסקייט פון דעם ענין, אבער עס זענען אויך פאראן אזעלכע מנהגים וואס זענען קודם אריינגעקומען ביי כלל-ישראל דורך פארשידענע וועגן און במשך די יארן זענען זיי פארהייליגט געווארן ביז די צדיקים האבן מגלה געווען טעמים דערויף.

דער באדייט דערפון איז, אז בני ישראל - אפילו אם אינם נביאים, בני נביאים הן... אידן שפירן אמאל עפעס אן ענין, מען הויבט דאס אן צו טון אן פארשטיין, אפילו מען פארשטייט נישט פונקטליך דער ענין דערין, און אויב די צדיקי הדור זעען דערין נישט קיין פירצה, זיי זענען נישט מוחה, און אדרבה - זיי זענען מחזק דעם ענין, דאן גייט דאס אריין אין כלל-ישראל און במשך הדורות ווערט שוין געזאגט ענינים מיט רמזים דערויף, וואס דאס איז אמת'ע רמזים אפילו זיי זענען הערשט איינגעפירט געווארן שפעטער. וכן הוא בענין מנהג הקשת וכן הוא מנהג הדריידל וכן הוא הכאת המן, ואפילו הקאפלעך והקאפעליטשן שלנו (ולא נכון עכשיו להאריך בזה - כי אם באשכול אחר) וכן הוא בשפת האידיש, וכן הוא בהרבה הרבה ענינים שיש בתוכינו. דאס ווייזט אויף די געהויבנקייט פון כלל-ישראל, אז עס איז צומאל פאראן א הרגשה און דער ענין פארשפרייט זיך ווייטער און ווייטער.

צאו ובדוק בנוגע די פייערן זעלבסט, קודם אין מירון ע"י הספרדים, וואס הגם עס זענען געווען התנגדות דערויף איז דאס למעשה אריינגעקומען צווישן אידן און היינט זאגט מען שוין טעמים דערויף. אנדערע האבן דאס פראבירט צו קאפירן און נאכמאכן ביי אנדערע קברי צדיקים ביום היארצייט, אבער כלל-ישראל האט דאס נישט דערשמעקט און דאס איז נישט אריינגעקומען צווישן אידן... ווייל אידן האבן א גוטן נאז און א געזונטן חוש הריח. דאס זעלבע האט זיך איבערגע'חזר'ט מיט די פייערן אין גאנץ ארץ-ישראל, עס איז אריינגעקומען לאו-דוקא דורך די דירעקטע הוראה פון גדולי-ישראל, אבער למעשה איז דאס אנגענומען געווארן אין גאנץ ארץ-ישראל כמנהג אשר אין לו עוררין, עד כדי כך, אז מען וועט פרעגן א יונגל לג-בעומר אינדערפרי ביי וועלכע הדלקה ער איז געווען און ער וועט ענטפערן אז ער איז נישט געווען ביי קיין הדלקה, וועט מען עס אנקוקן ווי איינער וואס דערציילט אז ער איז דעם פסח נישט געזעצן ביי קיין סדר טיש...

און אזוי חזר'ט זיך עס יעצט איבער אין אמעריקע, והנח להם לישראל - אם אינם נביאים, בני נביאים הם.

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » מיטוואך מאי 25, 2016 5:29 pm

והיינו טעמא דהאטעלן בשבת הגדול, ומלוה מלכה רבתי מוצאי שבת נחמו
הנח להם לישראל אם אינם נביאים בני נביאים.........

green sunday
שר חמש מאות
תגובות: 722
זיך איינגעשריבען אום: דינסטאג מארטש 16, 2010 3:34 pm

תגובהדורך green sunday » מיטוואך מאי 25, 2016 5:29 pm

דארף מען אוועקלייגן די אשכול אין ארויסנעמען אין א יאר אדער צווי ווען @ניסעל'ס רבי וועט אויך אנהייבן מאכן אן הדלקה, אין דעמאלטס וועט מען שוין טרעפן מראה מקומות אז סגאר א מצוה צי מאכן אין חוץ לארץ,

זעהט מען דען נישט וואס דעי אשכול צילט?

אוועטאר
פערפעקט
שר האלף
תגובות: 1953
זיך איינגעשריבען אום: דינסטאג אוגוסט 31, 2010 5:41 pm

תגובהדורך פערפעקט » מיטוואך מאי 25, 2016 5:30 pm

ניסעל האט געשריבן:איינער שיקט מיר דא אין אישי אז ער איז ניט סובל דעם גרויסען עולם ביי די גרויסע הדלקות. אבער אלס מנהג וועט ער אנצינדען א ציגאר אויף זיין טראסע, אין דערביי זינגען ניגוני התעוררות. נאכפאלגענדיג מיט בר יוחאי.

ווי האלט מען דא?

און א גרויסן עולם נאר מיט ציגארן וואלט ער אויך נישט סובל געווען?
Definition of perfect: as good as it is possible to be

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » מיטוואך מאי 25, 2016 5:34 pm

מנהלים אז איר ווילט מעקן, מעקטס ביטע קאשויער רב אויכעט..., זקן ואינו לפי כבודו....

אוועטאר
גראבער
שר מאה
תגובות: 119
זיך איינגעשריבען אום: זונטאג סעפטעמבער 30, 2012 12:54 am

תגובהדורך גראבער » מיטוואך מאי 25, 2016 5:34 pm

יהיה כן
you are talking such non sense. you wanna compere a hotel to singing bar yoichui in front of a fire??? please..
טענק יו. ביי. אגיטען! זיימער געזונט!

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » מיטוואך מאי 25, 2016 5:35 pm

גראבער האט געשריבן:יהיה כן
you are talking such non sense. you wanna compere a hotel to singing bar yoichui in front of a fire??? please..

זהירות מחמץ איז ביי דיר א קלייניגקייט?

אוועטאר
משיח
שר האלפיים
תגובות: 2656
זיך איינגעשריבען אום: מיטוואך יולי 22, 2009 1:09 pm

תגובהדורך משיח » מיטוואך מאי 25, 2016 5:37 pm

איך האב נישט געשריבן ס'איז א מנהג אין חוץ לארץ,
ס'האט זיך אנגעהויבן אין מירון,
פון דארט איז עס געווארן איינגעפירט אין ארץ ישראל (וואס דאס לאזטו, ס'איז נישט קיין קאושער אינטערטעימענט, ווייל ס'איז ת"ר יארן),
און פון דארט איז עס פארשפרייט געווארן צו בני חו"ל.
אבער די אלע מליצות שאינם ישרות ווייזט ווייטאג.
Professional bookkeeping for your small business
benyomin@thebookkeepingpro.com | 347-708-2079

אוועטאר
בן בוזי
שר ארבעת האלפים
תגובות: 4671
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » מיטוואך מאי 25, 2016 5:37 pm

נאכנישט אלעס אויסגעלייענט אבער וואס אנבאלאנגט אינטערטעינמענט, זאל מען נאכקוקן אין אלע היסטאריע ביכער, אינדערהיים איז ל"ג בעומר געווען א טאג פון פארברענגען און אויספלוגן און די גאנצע שטאט איז געפארן אויף רעדער, רבנים און מלמדים האבן גענומען די תלמידים גרויסע און קליינע (היינט בגלות זענען מיר אלע קטני הדעת, ל"ג בעומר איז טאקע דער זמן וואס ס'פאנגט זיך אן גדלות) אויף שפאצירן און מארשן וכו', ממילא היינט ווען דאס אלעס איז נישט שייך מיין איך אז ס'איז נישט עק וועלט ווען די רבי'ס/רבנים פארברענגען מיטן עולם אום ל"ג בעומר אויף א דיפרענט סטייל אפילו אויף אן אונטערהאלטערישער אופן.
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
סאדאם חוסעין
שר חמשת אלפים
תגובות: 5010
זיך איינגעשריבען אום: דאנארשטאג אפריל 30, 2015 5:10 pm

תגובהדורך סאדאם חוסעין » מיטוואך מאי 25, 2016 5:41 pm

חסדי אבות האט געשריבן:שמעו נא רבותי, צדיקים ידידים אהובים...

איך וועל פראבירן מיט מיינע עטליכע שורות מסביר צו זיין וואס עס גייט דא פאר, הגם עס איז נישט קיין לייכטע זאך און איך בעט טאקע פונעם בורא כל עולמים, אז ער זאל מיר אריינשיינען די ריכטיגע ווערטער, וואס זאלן זיין גענוג קלאר פארן עולם.

איבערבליקנדיג די היסטאריע פון כלל-ישראל מיט אירע מנהגים, געפינען מיר פיל מנהגים וואס האט זיך אנטוויקלט במשך די יארן באופנים שונים, ביז עס איז אנגענומען אין די היינטיגע טעג אלס קודש קדשים שאין רשות להרהר אחריה. ריכטיג, עס זענען פאראן אזעלכע מנהגים וואס גדולים וצדיקים האבן דירעקט איינגעפירט לתיקון הדור, אדער ווייל זיי האבן מגלה געווען די גרויסקייט פון דעם ענין, אבער עס זענען אויך פאראן אזעלכע מנהגים וואס זענען קודם אריינגעקומען ביי כלל-ישראל דורך פארשידענע וועגן און במשך די יארן זענען זיי פארהייליגט געווארן ביז די צדיקים האבן מגלה געווען טעמים דערויף.

דער באדייט דערפון איז, אז בני ישראל - אפילו אם אינם נביאים, בני נביאים הן... אידן שפירן אמאל עפעס אן ענין, מען הויבט דאס אן צו טון אן פארשטיין, אפילו מען פארשטייט נישט פונקטליך דער ענין דערין, און אויב די צדיקי הדור זעען דערין נישט קיין פירצה, זיי זענען נישט מוחה, און אדרבה - זיי זענען מחזק דעם ענין, דאן גייט דאס אריין אין כלל-ישראל און במשך הדורות ווערט שוין געזאגט ענינים מיט רמזים דערויף, וואס דאס איז אמת'ע רמזים אפילו זיי זענען הערשט איינגעפירט געווארן שפעטער. וכן הוא בענין מנהג הקשת וכן הוא מנהג הדריידל וכן הוא הכאת המן, ואפילו הקאפלעך והקאפעליטשן שלנו (ולא נכון עכשיו להאריך בזה - כי אם באשכול אחר) וכן הוא בשפת האידיש, וכן הוא בהרבה הרבה ענינים שיש בתוכינו. דאס ווייזט אויף די געהויבנקייט פון כלל-ישראל, אז עס איז צומאל פאראן א הרגשה און דער ענין פארשפרייט זיך ווייטער און ווייטער.

צאו ובדוק בנוגע די פייערן זעלבסט, קודם אין מירון ע"י הספרדים, וואס הגם עס זענען געווען התנגדות דערויף איז דאס למעשה אריינגעקומען צווישן אידן און היינט זאגט מען שוין טעמים דערויף. אנדערע האבן דאס פראבירט צו קאפירן און נאכמאכן ביי אנדערע קברי צדיקים ביום היארצייט, אבער כלל-ישראל האט דאס נישט דערשמעקט און דאס איז נישט אריינגעקומען צווישן אידן... ווייל אידן האבן א גוטן נאז און א געזונטן חוש הריח. דאס זעלבע האט זיך איבערגע'חזר'ט מיט די פייערן אין גאנץ ארץ-ישראל, עס איז אריינגעקומען לאו-דוקא דורך די דירעקטע הוראה פון גדולי-ישראל, אבער למעשה איז דאס אנגענומען געווארן אין גאנץ ארץ-ישראל כמנהג אשר אין לו עוררין, עד כדי כך, אז מען וועט פרעגן א יונגל לג-בעומר אינדערפרי ביי וועלכע הדלקה ער איז געווען און ער וועט ענטפערן אז ער איז נישט געווען ביי קיין הדלקה, וועט מען עס אנקוקן ווי איינער וואס דערציילט אז ער איז דעם פסח נישט געזעצן ביי קיין סדר טיש...

און אזוי חזר'ט זיך עס יעצט איבער אין אמעריקע, והנח להם לישראל - אם אינם נביאים, בני נביאים הם.

אמת אמת אמת איך עגרי מיט א יעדע ווארט, יעדע מנהג האט זיך אמאל אנגעהויבן
נאר צוויי זאכן וואס איך האב געשריבען אין א צווייטע אשכול
1] די שמחה ל"ג בעומר איז יא אייביג געווען אלע רבי'ס האבן געפירט טישען און געפראוועט סעודות אזוי ווי עס שטייט שוין אין שלחן ערוך בשם די מהרי"ל ומנהג להרבות בו קצת בשמחה ואין אומרים בו תחנון [וכתב בכוונות שגדול אחד היה רגיל לומר נחם בכל יום ואמרו גם בל''ג ונענש ] די גאנצע זאך וואס עס איז נתחדש געווארן לעיטלי איז די פייער
2] ווען די חכמים האבן געזאגט עתידה תורה שנשתכח מישראל האבן זיי געמיינט דעי דור פון עקבתא דמשיחא, און ווען ר' שמעון האט משפיע געווען אז ח"ו שנשתכח תורה מישראל האט ער אונז געראטעוועט מיט זיין זכות, סא האט די דור נאך קיינמאל געשפירט אזא התקשרות צו ר' שמעון ווי דעי דור
ווילאנג טראמפ האט טוויטער וועט זיין נייעס, און ווילאנג טראמפ איז א ריפאבליקען וועט זיין סקאנדאלן! [קרעדיט וויכי]

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » דאנארשטאג מאי 26, 2016 11:40 am

חסדי אבות האט געשריבן:שמעו נא רבותי, צדיקים ידידים אהובים...

איך וועל פראבירן מיט מיינע עטליכע שורות מסביר צו זיין וואס עס גייט דא פאר, הגם עס איז נישט קיין לייכטע זאך און איך בעט טאקע פונעם בורא כל עולמים, אז ער זאל מיר אריינשיינען די ריכטיגע ווערטער, וואס זאלן זיין גענוג קלאר פארן עולם.

איבערבליקנדיג די היסטאריע פון כלל-ישראל מיט אירע מנהגים, געפינען מיר פיל מנהגים וואס האט זיך אנטוויקלט במשך די יארן באופנים שונים, ביז עס איז אנגענומען אין די היינטיגע טעג אלס קודש קדשים שאין רשות להרהר אחריה. ריכטיג, עס זענען פאראן אזעלכע מנהגים וואס גדולים וצדיקים האבן דירעקט איינגעפירט לתיקון הדור, אדער ווייל זיי האבן מגלה געווען די גרויסקייט פון דעם ענין, אבער עס זענען אויך פאראן אזעלכע מנהגים וואס זענען קודם אריינגעקומען ביי כלל-ישראל דורך פארשידענע וועגן און במשך די יארן זענען זיי פארהייליגט געווארן ביז די צדיקים האבן מגלה געווען טעמים דערויף.

דער באדייט דערפון איז, אז בני ישראל - אפילו אם אינם נביאים, בני נביאים הן... אידן שפירן אמאל עפעס אן ענין, מען הויבט דאס אן צו טון אן פארשטיין, אפילו מען פארשטייט נישט פונקטליך דער ענין דערין, און אויב די צדיקי הדור זעען דערין נישט קיין פירצה, זיי זענען נישט מוחה, און אדרבה - זיי זענען מחזק דעם ענין, דאן גייט דאס אריין אין כלל-ישראל און במשך הדורות ווערט שוין געזאגט ענינים מיט רמזים דערויף, וואס דאס איז אמת'ע רמזים אפילו זיי זענען הערשט איינגעפירט געווארן שפעטער. וכן הוא בענין מנהג הקשת וכן הוא מנהג הדריידל וכן הוא הכאת המן, ואפילו הקאפלעך והקאפעליטשן שלנו (ולא נכון עכשיו להאריך בזה - כי אם באשכול אחר) וכן הוא בשפת האידיש, וכן הוא בהרבה הרבה ענינים שיש בתוכינו. דאס ווייזט אויף די געהויבנקייט פון כלל-ישראל, אז עס איז צומאל פאראן א הרגשה און דער ענין פארשפרייט זיך ווייטער און ווייטער.

צאו ובדוק בנוגע די פייערן זעלבסט, קודם אין מירון ע"י הספרדים, וואס הגם עס זענען געווען התנגדות דערויף איז דאס למעשה אריינגעקומען צווישן אידן און היינט זאגט מען שוין טעמים דערויף. אנדערע האבן דאס פראבירט צו קאפירן און נאכמאכן ביי אנדערע קברי צדיקים ביום היארצייט, אבער כלל-ישראל האט דאס נישט דערשמעקט און דאס איז נישט אריינגעקומען צווישן אידן... ווייל אידן האבן א גוטן נאז און א געזונטן חוש הריח. דאס זעלבע האט זיך איבערגע'חזר'ט מיט די פייערן אין גאנץ ארץ-ישראל, עס איז אריינגעקומען לאו-דוקא דורך די דירעקטע הוראה פון גדולי-ישראל, אבער למעשה איז דאס אנגענומען געווארן אין גאנץ ארץ-ישראל כמנהג אשר אין לו עוררין, עד כדי כך, אז מען וועט פרעגן א יונגל לג-בעומר אינדערפרי ביי וועלכע הדלקה ער איז געווען און ער וועט ענטפערן אז ער איז נישט געווען ביי קיין הדלקה, וועט מען עס אנקוקן ווי איינער וואס דערציילט אז ער איז דעם פסח נישט געזעצן ביי קיין סדר טיש...

און אזוי חזר'ט זיך עס יעצט איבער אין אמעריקע, והנח להם לישראל - אם אינם נביאים, בני נביאים הם.

האסט זייער גוט אראפ געלייגט דער צד פארוואס דאס איז א גוטע זאך, און פארוואס עס איז "ראוי" צו ווערען א מנהג ווי אלע מנהגים און ווערען אנגענומען אלס קודש קדשים שאין רשות להרהר אחריה; אבער במח"כ אט א דאס וויל איך פראטעסטירען אז זאלען נישט די דורות הבאים פארקויפען אונז אזעליכע פשט'ליך אז דאס איז א מנהג ווי אלע מנהגים און זיך ברענגען ראיות פון מעשי רב פון דעם גדול און יענעם גדול ווי מען ברענגט שוין יעצט און מען דערציילט נאר האלבע מעשה'ס.

דער ערשטע דור פון די מקבלי המסורה נאכען מלחמה טראכטען ווי מיר, און דער וואס נישט, וועליך זאגען זייער שארף האט פשוט נישט קיין מסורה. און דאס האביך געמיינט אז מיינע קינדער וועלען מיר נישט פארשטיין (אונז זעמער סייקאלאדזיקעלי דריי דורות געריקט זיכער) פינקט ווי אזוי פיל דא פונען אינגען דור מיינען אז איך קריך אויף די גראדע ווענט.

מען דארף קענען מבחין זיין; און יא כלל ישראל האט זייער א גוטען חוש הריח, און טאקע פינקט די מנהיגים וואס האבען דורך געלעבט דער מלחמה האבען עס נישט געוואלט איין פירען אין אמעריקע נאר אין בעסטטען אויפען "טאלערירט".

איך שרייב נאר וועגען איין סיבה, און דאס אז מען זאל נישט פאר פארען. קען דאך איינער זאגען וואס גייט דיר אן שפוזמ"ן אז מען מאכט הדלקות אין אמעריקע און מען טאנטצט און מען פריידט זיך; האסט נישט אנדערע דאגות? גערעכט, עס דארף מיר טאקע נישט אנגיין און זאל זיך יעדער פרייען כשר'דיג וויפיל ער וויל; אבער ווען מען וויל פארקויפען עס אלץ א מנהג און נאך א מנהג ווי אלע מנהגים, דארטען שטעל איך אראפ דער פיס און זאג, לא מיניה ולא מקצתיה.

איך ווייס אז איך גיי עס נישט סטאפען און מסתמא טאר איך עס נישט סטאפען (אויב וואלט געווען בידי); ווייל אויב די משפיעים היינט האלטען אז עס איז וויכטיג און היינטיגע ציייטען שטארק נויטיג, זאל עס זיין, אבער נער'ן טאר מען זיך נישט.
לעצט פאראכטן דורך SPUSMN אום דאנארשטאג מאי 26, 2016 12:17 pm, פאראכטן געווארן 2 מאל סך הכל.
עת לחשות ועת לדבר - קהלת ג ז

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » דאנארשטאג מאי 26, 2016 11:51 am

green sunday האט געשריבן:דארף מען אוועקלייגן די אשכול אין ארויסנעמען אין א יאר אדער צווי ווען @ניסעל'ס רבי וועט אויך אנהייבן מאכן אן הדלקה, אין דעמאלטס וועט מען שוין טרעפן מראה מקומות אז סגאר א מצוה צי מאכן אין חוץ לארץ,

זעהט מען דען נישט וואס דעי אשכול צילט?

איך ווייס נישט וואס דער אשכול צילט; מיין ציל איז צו שרייבען דברים כהוייתן ובמקום שאין איש (ווייניג פון מיין דור דא) זיך צו לאזען הערען. און אויב רבי'ס וועלען אנהייבן מאכן הדלקות ווי זיי האבען שוין אנגעהויבען, וועל איך זיי נישט שטערען, אבער וויסען דארף מען דער אמת אז עס איז געשעהן "בדלית ברירה" ווייל דער איגענט מאנט עס און פארלאנגט עס און אפשר דארף עס טאקע; אבער נאכאמאל זיך נישט נער'ן.
עת לחשות ועת לדבר - קהלת ג ז

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » דאנארשטאג מאי 26, 2016 11:59 am

גראבער האט געשריבן:יהיה כן
you are talking such non sense. you wanna compere a hotel to singing bar yoichui in front of a fire??? please..

רעדט שוין גארנישט קיין נאנסענס; ער וויל (אין זיין אייגען ארטיגער וועג) דיר זאגען אז פארקריך נישט; זיי מבחין וואס איז א מנהג און וואס איז נישט, ואם אין דעת הבדלה מנין.
עת לחשות ועת לדבר - קהלת ג ז

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » דאנארשטאג מאי 26, 2016 12:02 pm

משיח האט געשריבן:איך האב נישט געשריבן ס'איז א מנהג אין חוץ לארץ,
ס'האט זיך אנגעהויבן אין מירון,
פון דארט איז עס געווארן איינגעפירט אין ארץ ישראל (וואס דאס לאזטו, ס'איז נישט קיין קאושער אינטערטעימענט, ווייל ס'איז ת"ר יארן),
און פון דארט איז עס פארשפרייט געווארן צו בני חו"ל.
אבער די אלע מליצות שאינם ישרות ווייזט ווייטאג.

ריכטיג, ווייטאג ווי מען פארקריכט; און מען פארשטייט שוין נישט קיין חילוק צווישען א מנהג און איטערטעינמענט, צווישען ארץ ישראל (פון ווי עס שטאמט) און אמעריקע, וכו' וכו'.
עת לחשות ועת לדבר - קהלת ג ז

קרעפטיג
שר האלף
תגובות: 1056
זיך איינגעשריבען אום: מאנטאג יולי 07, 2008 9:32 am

תגובהדורך קרעפטיג » דאנארשטאג מאי 26, 2016 12:05 pm

SPUSMN האט געשריבן:
גראבער האט געשריבן:יהיה כן
you are talking such non sense. you wanna compere a hotel to singing bar yoichui in front of a fire??? please..

רעדט שוין גארנישט קיין נאנסענס; ער וויל (אין זיין אייגען ארטיגער וועג) דיר זאגען אז פארקריך נישט; זיי מבחין וואס איז א מנהג און וואס איז נישט, ואם אין דעת הבדלה מנין.

ספוזמאן,

א מנהג אין א"י איז עס דאך יא, פארוואס קען עס נישט גיין אלץ א מנהג פון ארץ ישראל וואס מ'האט אהער געברענגט אויף חוץ לארץ, וואס איז שלעכט מיט דעם, דארט איז דאך עס א רעכטער מנהג אויף דעם ביסטו מסתמא מודה.

מיין אינגל האב איך געזאגט אז אזוי פירט מען זיך אין א"י און מ'מאכט עס פשוט נאך פון דארט.


צוריק צו “היימישע פארברענגן”

ווער איז אונליין

באנוצערס וואס דרייען זיך דא: נו גוט נו שוין און 7 געסט