איז אייוועלט געפאלן?

[AHA]

פלטיאל,
די אשכול איז שטארק ביזי, אנדערע וואלטען זיך געפרייט מיט אזא מעגא רעספאנד.

נישט שלעכט צו זעהן אזא אנקעטע ספעציעל אז האסט געברענגט דערצו אז זאכליך האט געשריבען א תגובה וואס דארף ווערן מער אויסגעשמועסט.

#האב סבלנות

[פלטיאל]

רבותי... איך זוך א חברותא אין ספרי מוסר... איך פיל אז עס קען צוקומען צו סכנות... עניוואן אין?

[AHA]

שנאפס, עס זעהט אויס ווי דו ביזט ביי דיין וויטסענד זיך אויפצורייסען ווען איינער שרייבט עפעס וואס געפעלט דיר נישט.

ביזט אמאל געוועהן רואיגער!

[זאכליך]

זאכליך האט געשריבען א תגובה וואס דארף ווערן מער אויסגעשמועסט.

#האב סבלנות

כ'בין בטבע נישט קיין שרייבער און ס'מיר אויסצושמיעסן א נקודה גענוג קלאר. רוב מאל קומט אויס ארויס זייער בקיצור.

אויב די קענסט אויס אויסברייטערען, בכל הכבוד!

[גלאזער]

זאכליך, שרייבסט זייער גוט הן מיט סבלנות הן מיט די ניק וואס איז נאר דא צו טשעפען

[אַבּערוואַס]

כאטש אין קאנסעפט בין איך מסכים אז א פאבליק פארום מעג זיך מיט די צייט אביסעלע טוישן, פארשטיי איך אבער די וואס ווערן געשטערט פין דעם פענאמען פין נייע ניק'ס לעצטנס.

ס'איז נישט ווייל זיי זענען ניי און זיי האבן עס נאכנישט אין די האנט און דעריבער מאכן זיי טעותים, ניין, דאס איז אלעמאל אזוי געווען ביי רוב נייע ניקס, למחצה לשליש ולרביע, וואס איז אבער לעצטנס געטוישט געווארן איז אז געוויסע נייע ניקס פראבירן נישט זיך צוקראצן און מאכן זיכער אויף א תגובה אז עס האלט אויס לפי רוח המקום/תקנות/ספעלינג, און ווען עמיצער איז מעורר דערויף במישרין אדער בעקיפין, אוודאי אזוי אויב אן אחראי מעקט, אנשטאט "זיך" צו פראבירן פאררעכטן און באדאנקן די מעוררים/אחראים (אדער אפי' דעסיידן אז זייער פלאץ איז אפשר נישט דא) הייבן די יעניגע ניק'ס אן א מערכה קעגן די מנהלים/אחראים/עלטערע ניק'ס (ווען מ'שפארט ווען דעם אשכול "האט מען צופיל געמעקט", וואלט אויך אביסל רואיגער געווען, די דירעקטע אטאקעס אויף אחראים דארטן, זענען צו סאך און צו שטארק), דאס פארפעסטעט די לופט.

און אויב אזא סארט געפיראכטס רופט זיך אפ מיט דעם אז עלטערע שרייבער דא שפורן אז ס'פארום איז געווארן אביסל אףף, און זיי שרייבן דעריבער ווייניגער, פין די אנדערע זייט קומען צו אזעלכע פרישע ניקס אין די מאסן, שפורט זיך עס ווי מ'האט ארויפגעשטעלט אן אומפארפארציאנאלער פראצענט קינדער אין א העכערע קלאס.

אויף אידיש קען מען עס אויך אנרופן א דזשענערעל שפראך "די ניווא פין אייוועלט איז געפאלן", אזוי מיין איך. ווייל ווען דאס געשעט אין א צייטונג/אויסגאבע פארשטייט יעדער אז דאס איז נחות דרגא.

צו ס'איז "ממש" "באמת" געפאלן? כ'זע נישט פאר וועלכן פילאזאף דאס מאכט אויס, רופט עס וויאזוי איר ווילט. קלאר אבער אז אייוועלט איז נאך קיינמאל נישט געווען אין אזא אטמאספער בעפאר. קיינעם פערזענליך.

#מיין ארימע מיינונג

[סאדאם חוסעין]

רבותי... איך זוך א חברותא אין ספרי מוסר... איך פיל אז עס קען צוקומען צו סכנות... עניוואן אין?

דו מיינסט דיר, אדער די עיקר איז אז דיין חברותא זאל לערנען מוסר

[פארבינדן]

אצטרף לאַבּערוואַס 110%

די בעסטע עצה דערצו איז עשה טוב, אז די וואס קענען זאלן זיך נעמען שרייבן אזופיל שיינע תגובות און אטיקלען אז די אנדערע וועלן ווערן בטל ברוב.

[וויכטיג מאכער]

איך זעה נישט וואס אייוועלט איז אנדערש ווי סיז געווען, יעדע שטיק צייט פאסירט אזא זאך, ס'הייסט בין הזמנים, נישט אז יעדער וואס האצעך אויפגעסיינט די לעצטע פאר וואכן איז א בחור און נישט אז יעדע תגובה וואס א בחור שרייבט איז נאריש, דאס איז אבער א מציאות, בין הזמנים וואנדערן דא אריין אסאך נייע ניקס, טייל פון זיי בחורים! נאך א מציאות איז אז אסאך פון די נייע ניקס קענען נישט דאס פלאץ, זיי קענען נישט די קולטור, זיי האבן נישט געליינט די תקנות און בכלל זענען דא וואס קענען נישט ספעלן... דעריבער ווערן אין די טעג געשריבן גאר אסאך נארישע תגובות, אדער תגובות וואס זענען נישט אין פלאץ...

אבער נישט געזארגט, וויזוי פלעגט אנדי פעטיט שרייבן? דינסטאג נח איז התחלת הזמן... די וואס גייען צוריק אין ישיבה וועלן פארלירן עקסעס, רוב כולל יונגעלייט וועלן דא זיין ווייניגער, ווידער די אנדערע וועלן זיך צוביסלעך אויסלערנען וויזוי די פלאץ ארבייט און ווערן געהעריגע קאנטריביוטערס צום פארום, און די נעקסטע מאל ס'פאסירט אזא זאך וואס הייסט בין הזמנים וועלן זיי זיין די וואס שרייבן אז די ניווא פון די סייט איז געפאלן...

ביז דערווייל און אפילו נאכדעם איז דא צוויי כללים וואס איז גוט צו וויסן, "טראכט פאר דו שרייבסט", אייוועלט איז א פלאץ וואו מענטשן קומען הערן נייעס, הנאה האבן, געהאלפן ווערן מיט א ביזנעס איידיע אדער עני אנדערע זאך און זיך אויסגיבן אביסל דורכן שרייבן, סאו פאר דו שרייבסט טראכט צו דיין תגובה גייט ברענגען אן הנאה פאר די ליינער, צו סיז הילף אדער א גוט שטיקל נייעס, טאמער גייטעס ווייטוהן פאר איינעם, שרייבעס נישט! און די צווייטע זאך איז "ווער נישט איבערגענומען ווען איינער שרייבט עפעס וואס דו גלייכסט נישט"... טאמער האט איינער נישט גענוצט זיין שכל, צו ווייל ער האט נישט אדער ער האט ווייניג אדער ער האט אסאך אבער פאר סאם ריעזאן האטערעס נישט גענוצט און געשריבן עפעס וואס באלאנגט נישט דא, ענטפער נישט, אויב דו ווילסט קענסטו מדוח זיין די תגובה און די אחראים וועלן קעיר נעמען דערפון, ענטפערן וועט נישט בעסער מאכן די סיטואציע! ריפארט די תגובה און גיי ליין די נעקסטע אשכול!

דאס איז בנוגע וואס ס'גייט יעצט פאר, פאר די וואס וויינען אויף די "אמאליגע" שרייבער, א שאד צו וויינען, די הקפות אין א קליין ביהמ"ד איז אנדערש ווי אין א גרויס ביהמ"ד, און די תגובות פון א קליין קרעטשמעלע זענען אנדערש ווי די תגובות פון א ריזן אייוועלט! די זעלבע מענטשן פיהרן זיך אויף אנדערש, מ'באדעקצעך מיטן טלית און מ'טאנצט הקפות לויטן שטראם... די "אלטע געווארדע" ווי מ'רופטעס, רוב פון זיי זענען נאך דא צו מיט די אלטע ניק אדער מיט א נייע ניק, אבער זיי זענען אריבער פון א קליין קרעמעל צו א ריזן שאפינג מאלל... און שטייצעך אז יעדע זאך האט מעלות און חסרונות... און גליקליך איז דער וואס קוקט נאר אויף די גוטע זייט!

[לוי יצחק]

געוואוט פאר "געפאלן".

און די סבה דערפאר איז לכאורה ווייל אמאל איז געווען א קלענערע ציבור, מ'האט געהאט מער ווייניגער א פראפייל אויף יעדע ניק, ווען מ'האט עפעס געשריבן האט מען געקענט וויסן בערך אויף וועמענס הינער אויג מ'גייט טרעטן און וואסערע ענטפער צו ערווארטן. היינט מפני ריבוי עם איז דאס נישט אזוי, און דאס מאכט שווער צו שרייבן און זאגן ווען מ'ווייסט נישט וועלכע מחאות און זיסע קאמענטס קומען אלס נאך..

נאך א נקודה. ווען איך האב אנגעהויבן, האב איך פראבירט אלע מיני שרייבעריי, לענגערע ארטיקלען, זאגן מיינונגען, שרייבן קורצע דזשאוק קאמענטס, און דארט ווי כ'האב געזעהן אז "אנדערע" רעספעקטפולע ניקס האבן הנאה, האב איך געוואוסט אז אין דעם פעלד קען איך שרייבן ווייטער, און פון די אנדערע סארט זאל איך מיך אפלאזן ווייל איך טויג נישט דערצו. ס'וואלט געווען ראטזאם אז יעדע נייע ניק זאל אזוי טוהן, זעהן וואס אנדערע רעספעקטפולע ניקס האבן ליב פון איהם, און נישט אריינשטופן זיך אין פלעצער ווי דער עולם ענדזשויט נישט.

נאך א נקודה, צו ס'איז גערעכט אדער נישט, עלטערע ניקס האבן נישט ליב ווען א נייער קומט אן און רעדט מיט זיי פאניע בראט כאילו ער איז ממש איינע פן זיי, סוף כל סוף איז ער דא לענגער ווי דיר, און ס'פאסט א משהו דרך ארץ, צו דו ביסט גערעכט אדער נישט.

און צום סוף, ייש"כ פלטיאל פארן עפענען דעם אשכול אויף א פאזיטיווע אופן, דלא כשנאפס ודעימי'.

[לוי יצחק]

אז אמג וועט זיך צומאכן וועט איי וועלט בליען

אמת ויציב

איך האלט אויך אזוי. איך האלט אז מסתמא שמערי בערי, גרויזי, וויכי, מאשקע, סאכדעס וכדומה, גיסן דארט אשכולות אווי אין די גוטע צייטן, כ'גלייב זיי זענען שטארק אקטיוו דארט

[גוגל]

לוי יצחק נעם דיר א גרינע..

[וויכטיג מאכער]

אז אמג וועט זיך צומאכן וועט איי וועלט בליען

אמת ויציב

איך האלט אויך אזוי. איך האלט אז מסתמא שמערי בערי, גרויזי, וויכי, מאשקע, סאכדעס וכדומה, גיסן דארט אשכולות אווי אין די גוטע צייטן, כ'גלייב זיי זענען שטארק אקטיוו דארט

איך האב שוין קאנסידערט אנצונעמען דיין פריערדיגע תגובה... יו דזשאסט לאסט מי! ניטאמאל ווייסטו ווער סיז אויף אמ"ג און ווער נישט!

[מצב כללי]

פלטיאל, אן אריינצוגיין אינעם עצם שמועס,

עס איז זייער א רעלעוואנטע טעמע, די אשכול איז זייער גוט, ווער נישט אזוי שנעל דערשראקן פון קריטיק אויפ'ן אשכול, איך קען דיך אנצייגן פילע ציללאזע אשכולות פון די קריטיקירער, שרעק זיך נישט, שרייב וואס דו האלטסט איז גוט.

[פלטיאל]

חחחח... אידעיס גוט, דערוילעם מיינט נאך אז איכאב א מערכה מיט שנאפסן... פאר די וואס ווייסן נישט, שנאפס איז איינע פון מיינע דאבל ניקס...

[שנאפס]

דאכט זיך אז דו פארמישט מיט סאדאם חוסעין, ער פלעגט האבן אסאך דאבלס

[פאקטען]

משומר ניק
718 איד

עס איז מי גוט
ס'בויעט זיך מיר א פרויפייל

[ראש העיר]

געפאלן אין וואס, אידישקייט, קוואליטעט און תוכן פון ארטיקלען און מאמרים?

ביטע אויפקלערן די פארוואונדערטע ליינער.

[פלטיאל]

געפאלן אין קוואליטעט און תוכן פון ארטיקלען און מאמרים!

[פאקטען]

געפאלן אין קוואליטעט און תוכן פון ארטיקלען און מאמרים!

יעצט געליינט "אורות" סיי די און סיי גאלדענע שרייבן דארט אזוי שיין
----
פלטיאל האקט

[סמארט גאי]

אלץ א נייער ניק דא, ווייס איך נישט צו איך קוואליפיציר צו זאגן א מיינונג דא.

אבער דא איז דא צוויי זאכן וואס איז געשעהן

א ) אנשטאט א סעמי מאגאזין, ווי מענטשען מיט תוכן אן קיין פלאפארמע ארויסצוגעבן זייער אינהאלט, האבן געהאט א פלאץ ווי צו שרייבן, פאר א קליינע אוידיענץ. איז אייוועלט געווארן א טשעט גרופ ווי מענטשען קומען אריין און מ'שמועסט,
און דאס איז לאו דוקא גוט אדער שלעכט, נאר סאיז אנדערש, איינער האט ליעב דאס און איינער דאס, און ס'מוז נישט זיין 'אדער' דאס 'אדער' דאס, ס'קען זיין ביידע,

ב ) גם אני מצטרף להרב זאכליך אז די סבלנות דא איז אויפן נידעריגסטן שטאפל, און - איך גלויב - אז מנהלים דארפן צומאל מעקן זאכן וואס זיי וואלטן נישט געמעקט, ווען נישט געוויסע דרייען איבער דא מיט מחאות אא"וו, און צווינגן די מנהלים צו מעקן, לויט ווי איך פארשטיי פלעגן די מנהלים 5 צו זעקס יאר צוריק נישט מעקן אזוינע תגובות וואס וואלטן היינט געפלויגן כהרף עין.

כנלע"ד.

[וואס א חילוק]

געפאלן אין קוואליטעט און תוכן פון ארטיקלען און מאמרים!

יעצט געליינט "אורות" סיי די און סיי גאלדענע שרייבן דארט אזוי שיין
----
פלטיאל האקט

חחחחחח.......

[ראש העיר]

כנראה אז ס'איז געפאלן, אבער ס'יגט מיר דעם געפיל וואס איך האב געהאט אין מיינע צוציק יארן, איך האב געדאווענט אין א שיינע שטילע ביהמ"ד, ס'איז געווען אזוי אנגענעם, ברייט פלאץ צו זיצן ביים לערנען, בריווח פלאץ צו קובע זיין עתים לתורה, ריינע קאווע צימער, געונוג צוקער און חלב ישראל, זויבערע מקוה, א פולקאמע שטילקייט האט געהערשט אין ביהמ"ד בשעת התפלה, צוביסלעך האבן זיך אריינגעצויגן נאך אינגע פארפעלק, און פיל אנדערע האבן סתם אויסגעפינען וואסארא געשמאק פלאץ דאס איז, היינט קען מען נישט געפינען אין ביהמ"ד דאס אייגענע פלאץ, אין פאדערצימער טרעט מען אויף קליינע בחור'לעך אשר לא יודעים בין ימינם לשמאלם, די בית המשקה איז פול באצירט מיט שמוציגע קאווע גלעזלעך און ספלענדא פאפירלעך אלל אווער, אין מקוה דארף מען שפאצירן אויף דער ערד מיט פארזיכטיגקייט צווישן די בערג האנטעכער און די טייכעלעך וואסער מיט שוים, דעם מאנטל דארף מען זוכן מיט א פלעש לייט, און דעם מעיל מיט שמעק הונט.

אזוי קוקט עס אויס ווען צופיל מענטשן געפינען אויס פון א גוט מקום, אין עצה ואין תבונה. אבער דאך איז כדי צו פרואוון האלטן א שטיקל קאנטראל לכל הפחות.

נ.ב. ס'זיכער דא פיל פרישע אימיגראנטן דאהי וועלכע האבן אוועק געוואנדערט פון אנדערע א"ג אידישע סייטס וועלכע זענען אנגעפיקעוועט מיט שנאת עם הארץ לת"ח, השכלה, אפיקורסות און אסאך שנאת ישראל, וואס דאס מאכט יעדן רעכט דענקענדן איד אנטלויפן פון די אלע סייטס, און זיי זוכן א רואיגע "אידישע" מקום מנוחה, ריין פון די דערמאנטע איבלען, און דאס האט געברענגט דא אן איבערפלוס פון נייע איינוואוינער.

[פאטאקי08]

איך בין צופרידן וויאזוי עס איז יעצט

[געלעגער]

פאטאקי, די עיקר איז אז יענע אשכול איז אויבן, ניט אזוע?