מיין אשכול לשמי ולזכרי, מעג איך?

[נחבי בן ופסי]

ווי איר זעט דריי איך זיך שוין דא אלס א איינגעשריבענער לערך 24 שעה, איך דריי זיך און דריי זיך און דריי זיך איך קוק דורך אביסל אשכולות און געשמועסן און איך זוך ווי אריינצורעדן, ווי דער שטייגער איז אז ווען א נייער ניק פאלט אריין אין א ניי פלאץ וואס ער האט נאר וואס ערפינדן באקומט ער דעם פולן רייץ אריינצורעדן און אריין ציווארפן זיינע צוויי קאפיקעס מיינענדיג אז עימיצער איז אפילו נייגעריק, איך ווי יעדער מענטש האב אויך די טבע און איך דריי זיך שוין ארום א שיינע שטיק צייט זוכנדיג זיך אנצוריפן אבער איך האב נאך דערווייל נישט געטראפן וואו ווייל וואו קען איך אריינהאקן אין א שמועסן וואס ציען זיך אויף גאנצעטע בלעטער, דערפאר עפן איך קודם א אשכול לשמי ולזכרי דערנאך וועל איך שוין טרעפן וואס צו טון.

[מאשקע]

זייער א גוטע איידיע. ביזט נישט דער ערשטער וואס טוט עס.
הייב אן א שמועס, און דער ציבור וועט ממשיך זיין.

[נאטורליך]

שלום עליכם בן ופסי, דריי זיך נישט צופיל ווייל דו קענסט ווערען דיזי. זעץ זיך אנידער ביים טישל דאטרט, יא דארט נישט ווייט פון עיר קאנדישען, אז דו ביזט הינגעריג איז דא עפעס פארבליבענע לעקעך פון היינט נאכן דאווענען, קאווע איז אין קאווע שטובעל. מנחה דאווענט מען קוואדער נאך. מעריב קוואדער צו. now you are on your own

[צייטליך]

פיין, נחבי,

לאמיר אנפאנגען א שמועס, און די וועסט עס שוין צוען ווייטער,

זאג נאר, ווי האסטו געהערט פון די קרעטשמע ? ווער האט דיר עס געזאגט ? און פארוואס ?

[לחיים ולברכה]

נע נאטורליך, וויפיהל מאל דארף איך דיר זאגן, ברויך מען אויפנעמען די נייע אנגעקומענע שיין, מ'געט נישט פאר א נייע חבר לעקעך פון היינט ביים דאווענען.

[לחיים ולברכה]

יוי, אנטשולדיגט נאטורליך, ווען האסטו געדאווענט היינט...
האסטעך מסתם געלייגט שפעט שלאפן נעכטן נאכט, ס'איז דאך אזוי נאטורליך....

[גאליציאנער]

בס"ד

א גוטען נחבי בן ופסי
דאכטזעך כ'האב נאך געקענט דיין טאטען

[איך_הער]

נחבי, האסט שוין גענוג אויף וואס צו ענטעפרן, נעם דיך צו די ארבעט, דאס איבריגע וועט נאכקומען.

[שוועמל]

זאג נחבי;

ביסט א קאזין אפשר מיט גדי ?
דעם בן סוסי'ן ?

סוסי'ס פאטער איז געווען פון מיין משפחה אמאל, ליידער ביי די קריג איז אלעס אוועקגעפאלן, ימח שמם אלע ציונים.

[צייטליך]

ופסי'ס,

אז די ווילסט ס'זאל נאך בלייבן עפעס לשמיך ולזכריך פון דיין אשכול, דיין הייב שוין אן צו שריייבן און ענטפערן אויף די שאלות,

אנטלויף נישט!

[איך_הער]

גם אני מצטרף לדברי חברי, ערעב צייטליך.

[סאכדעס]

הגם ס'שטייט במקום גדולים אל תעמוד, אבער במקום שאין איש איז הערינג אויך פיש. אלזא בעט איך די זעלבע זאך פון מיין עלטער פעטער נחבי'ן.

[נחבי בן ופסי]

איך פיל זיך אביסל אויסגעשפילט פון די קרעטשמע איך סטאפ דא אפ א באזוך פון צייט צו צייט אבער מיטן חשבון זיך אביסל צו ליפטערן אבער צו מיין גרויס אנטוישונג גיי ארויס פון דא שנעלער ווי איך בין געקומען און אן קיין טראפ לופט, ווי הייב איך אן ווי ענדיג איך ווי שרייב איך וואס זאג איך?, אדרבה כאפט א בליק אויפן ערשטן בלעטל פון די קרעטשמע און זאגטס מיר וויזוי א פרעמדער (אדער בעסער געזאגט א נישט אפטער באזוכער) קען אריין קומען אין פיקטשער
אה צו גריסן א גוטן שוין גריס איך דא יעצט אגוטן

[לחיים ולברכה]

פארבינד זיך מיט מיר אין גוגל, עמיר דיר געבן פונקטליכע לעקציעס.
[email protected]

[לאקשען ברעט]

איך פיל זיך אביסל אויסגעשפילט פון די קרעטשמע איך סטאפ דא אפ א באזוך פון צייט צו צייט אבער מיטן חשבון זיך אביסל צו ליפטערן אבער צו מיין גרויס אנטוישונג גיי ארויס פון דא שנעלער ווי איך בין געקומען און אן קיין טראפ לופט, ווי הייב איך אן ווי ענדיג איך ווי שרייב איך וואס זאג איך?, אדרבה כאפט א בליק אויפן ערשטן בלעטל פון די קרעטשמע און זאגטס מיר וויזוי א פרעמדער (אדער בעסער געזאגט א נישט אפטער באזוכער) קען אריין קומען אין פיקטשער
אה צו גריסן א גוטן שוין גריס איך דא יעצט אגוטן

נחבי פארוואס ווערסטו אזוי שנעל פארלוירען וחזקת והיית לאיש דריי דיר ארום שטעל דיר צי צי די קופקעס לייג צי דיינע צוואנציג צענט
ווער נישט אנטוישט ס'איז מעשה יצר

[לחיים ולברכה]

זעסטו ופסי'ס, לאקשען האט שוין צוגעשטעלט צום ברעטל 15 תגובות, און דו האלסט נאך ביי 11. לערן זיך פון אים.
עניוועי, כ'האב דיך געבטן זאלסט מיר קאנטאקטן אין גוגל, אויב האסטו נישט - זיי מוחל אין אישית.

[אלץ-ווייסער]

די וואס געבן די תיקון נאכן דאווענען, געבן זייער קארג, אלץ ווען איך קום אן איז שוין קיוים עפעס געבליבן
רוב מנין האט שוין ביי אשרי לאנג אויסגעטאן טלית ותפלין און ווען איך זעץ זיך צו, דארף איך אויסקראצן ס'טעלערל.
אדער גיט ברייטער, אדער ביטע, טראכץ כאטש פון מיר

[איך_הער]

אלס, וואס רעדסטו דיך אפ, אז דו טרעפסט נישט אין בעסמעדרעש, קומט מען דא, דא איז מער ווייניגער אלס דאס וואס צו עסן און טרינקען.

[מאניש בנבנשתי]

לשמי ולזכרי........המממממ......זאל איך אויך?

[ביבער הוט]

לשמי ולזכרי........המממממ......זאל איך אויך?

טריי, בעסער געזאגט טו צו די זאך