"פארוואס אנטלויפט מען" - ארטיקל אין דער איד

גריסן און שמועסן

אחראי: אחראי

אוועטאר
בדיל ויעבור
שר מאה
תגובות: 141
זיך איינגעשריבען אום: מאנטאג אוקטובער 24, 2011 3:39 pm
לאקאציע: במקום הנ"ל
פארבינד זיך:

"פארוואס אנטלויפט מען" - ארטיקל אין דער איד

תגובהדורך בדיל ויעבור » דינסטאג אפריל 03, 2012 1:26 pm

די פארגאנגענע חדשים לויפט אין איד א ארטיקל דורך ל. יאקאב "פארוואס אנטלויפט מען" צו גוי'אישע געשעפטן?
פארוואס קויפן אידן נישט איין ביי אידן, פארוואס גייט מען צו וואל מארט וכו' און אלע אנדערע געשעפטן, ווען אין די זעלבע צייט שטייען אידישע געשעפטן ליידיג, און אידן מוטשען זיךל אויף פרנסה, לאזט ער זיך אריין אין א לאנגס און א ברייטס, אז ביידע - דאס הייסט סיי די געשעפטס לייט און סיי די אידישע קאסטומערס - ברויכן זיך אסאך אסאך פארבעסערן, דאס הייסט די געשעפטס לייט ברוכן עפענען די געשעפטן צייטליך, אז מען וויל גיין אין א אידישן געשעפט ברויך מען ווארטן ביז 12 1:00 2:00 נאכמיטאג, און ווי אויך סערוויס און נאך און נאך, און די קאסטומערס דארפן זיך צושטעלן און אנהויבן קויפן ביי אידן, האב איך געהערט פון איינעם אז אין וויליאמסבורג זענען שוין דא עטליכע געשעפטן וועלכע עפענען שוין 11:00

דער אמת איז דאך אז ווען א איד איז געדרוקט פארן חתונה מאכן צו וועם גיט מען נאך געלט? צו די וואל מארט בעלי בתים?!, איך האב נאך קיינמאל נישט געהערט אז מען זאל באקומען א נתינה פאר סיי וועלכן היימישן מוסד פון זיי, איז זיכער אז ווען מען זאל איינקויפן נאר ביי אידן וואלט זיך די היימישע עקאנאמי געהויבן פילפאכיג, און ווען עס דרייט זיך געלט אינערהאלב, האט יעדער הנאה!

איז טייערע אידן וואס האלט איר איבער די נושא, וואס דארף מען פארבעסערן אין די אידישע געשעפטן אז דער עולם זאל אנהויבן צו שטיצן אידן?
הק' בדיל ויעבור

אוועטאר
מאנ-יימער
שר עשרת אלפים
תגובות: 10550
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » דינסטאג אפריל 03, 2012 1:32 pm

כ'האף ער גיבט קרעדיט פאר שאץ מאץ
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

אוועטאר
ים רויבער
שר האלפיים
תגובות: 2024
זיך איינגעשריבען אום: דאנארשטאג פאברואר 03, 2011 2:13 pm

תגובהדורך ים רויבער » דינסטאג אפריל 03, 2012 1:54 pm

א מאמר פון וויכטיג מאכער,
אן עצה פון אידישען קעניג.
כא כא כא האבן זיך די רויבער צולאכט (מנחם מענדל)
pirate.ivelt@gmail.com

אוועטאר
הרבטייטעלבוים
שר האלפיים
תגובות: 2905
זיך איינגעשריבען אום: מאנטאג פאברואר 20, 2012 5:52 pm
לאקאציע: שתולים בבית ד'

תגובהדורך הרבטייטעלבוים » דינסטאג אפריל 03, 2012 2:06 pm

דאהי האב איך גענומען א קארסערוויס צו א געשעפט וואס עפענט 10 אזייגער , כבין געפארען 11 און ער איז נאך געווען פארמאכט
זינט דאן בין איך אריבער צו זיין קאמפעטישן
כהאב נישט קיין טענות אויף אים
אבער כהאף אז ער האט נישט קיין טענות אויף מיר
כתיבה וחתימה טובה. הכ"ד המצפה לישועה קרובה.
הק' איתמר טייטעלבוים
אבד"ק דלאָניע והגלילות
בעמ"ח אשכולות התמרים

אוועטאר
קראק-פאט
שר חמש מאות
תגובות: 936
זיך איינגעשריבען אום: מיטוואך סעפטעמבער 14, 2011 11:13 am

תגובהדורך קראק-פאט » מיטוואך אפריל 04, 2012 9:20 am

פון שטוב געט מען איבער אז נישט עפענען פרי איז דער גרעסטער פראבלעם.

9-9:30 ווערט מען פערטיג ארויפלייגן די קינדער אויף די באסעס, און ביז 11:30-12 ווארט מען די געשעפטן זאלן זיך עפענען. בלייבט קוים א קארגע צוויי-דריי שעה ביז די קלענערע קומען שוין אהיים.

און אז מען וויל ערלעדיגן אלע דרויסענדיגע ענינים אויפאיינמאל (גראסערי, פארמעסי, איינקויפ'ן מלבושים וכו'), אנשטאט ארויסגיין עטליכע מאל אין טאג, איז דאס ממש אוממעגליך אין די קורצע צייט.

אוועטאר
געלעגער
שר עשרת אלפים
תגובות: 11983
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » מיטוואך אפריל 04, 2012 9:27 am

כ'מיין אז דאס איז שוין איבערגעקייט געווארן דא צענדליגע מאל.

אייגענטומער דארפן אריין נעמען יודישע ארבעטערס, געבן סערוויס, לאזן ריטורנען נארמאל.

אוועטאר
יגעתי ומצאתי
שר האלף
תגובות: 1529
זיך איינגעשריבען אום: מאנטאג ינואר 31, 2011 5:02 pm

תגובהדורך יגעתי ומצאתי » מיטוואך אפריל 04, 2012 10:27 am

און וויאזוי ווילט איר אז מענטשן זאלן דערפון לעבן?

אידישע ארבעטער קאסט היפש מער ווי אינו בן ברית'ן.

ריטורנען נארמאל איז נישט מער ווי נארמאל, אבער דאס מיינט ווייטער א גרויסע געלט שאדן ריזיקע, וואס קליינע אידישע אייגענטומער קענען זיך דאס שווער ערלויבן.

געבן סערוויס, ווענד זיך וואס, א חלק דערפון מיינט פרישע קאסטן (נאך א ארבעטער וכדו').

די אייגענטומער'ס ברויכן אויך מאכן א פסח.

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מיטוואך אפריל 04, 2012 10:31 am

יגעתי; האסט באמערקט די טעמע? מען רעדט דא אז זיי זאלן צובאקומען ביזנעס אז מער מענטשן זאלן זיי געבן צו לייזן אויף פסח, נו דאס קאסט געלט (חוץ אויב זיי ווילן סתם צדקה).

אוועטאר
יגעתי ומצאתי
שר האלף
תגובות: 1529
זיך איינגעשריבען אום: מאנטאג ינואר 31, 2011 5:02 pm

תגובהדורך יגעתי ומצאתי » מיטוואך אפריל 04, 2012 10:36 am

כ'האב גערעדט צו געלעגער.

אוועטאר
געלעגער
שר עשרת אלפים
תגובות: 11983
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » מיטוואך אפריל 04, 2012 10:41 am

הנה הך. אזויווי מ'גיט אויס פאר עדס דארף מען אויסגעבן פאר די סערוועסיס. די קאסט איז וואס מען וועט צוריק מאכן מיט די קאסטומער וואקס

משנה מקום
שר שלשת אלפים
תגובות: 3504
זיך איינגעשריבען אום: פרייטאג מאי 14, 2010 4:13 pm
לאקאציע: משנה מקום יעדע שטיק צייט

תגובהדורך משנה מקום » מיטוואך אפריל 04, 2012 10:57 am

יגעתי ומצאתי האט געשריבן:און וויאזוי ווילט איר אז מענטשן זאלן דערפון לעבן?

אידישע ארבעטער קאסט היפש מער ווי אינו בן ברית'ן.

ריטורנען נארמאל איז נישט מער ווי נארמאל, אבער דאס מיינט ווייטער א גרויסע געלט שאדן ריזיקע, וואס קליינע אידישע אייגענטומער קענען זיך דאס שווער ערלויבן.

געבן סערוויס, ווענד זיך וואס, א חלק דערפון מיינט פרישע קאסטן (נאך א ארבעטער וכדו').

די אייגענטומער'ס ברויכן אויך מאכן א פסח.

זיי זענען גערעכט אבער דער עולם וועט נישט קויפען ביי זיי אפילו זיי זענען גערעכט

אוועטאר
מאנאגרעמס
שר האלף
תגובות: 1048
זיך איינגעשריבען אום: דאנארשטאג נובעמבער 12, 2009 7:27 pm

תגובהדורך מאנאגרעמס » מיטוואך אפריל 04, 2012 7:35 pm

געלעגער האט געשריבן:הנה הך. אזויווי מ'גיט אויס פאר עדס דארף מען אויסגעבן פאר די סערוועסיס. די קאסט איז וואס מען וועט צוריק מאכן מיט די קאסטומער וואקס

נאך מער, מ'געט אויס דאס געלט פאר עדווערטייזמענטס וואס איז נאר ביזן קרעטשמע, נאר אויף אריינצושלעפן דעם קאסטומער דאס ערשטע מאל.
פון דא און ווייטער דארף דער אייגנטומער זען אז דער קאסטומער זאל וועלן בלייבן ביי אים. אז נישט וועט ער איין טאג אויסגיין פון ערשט-מאליגע קאסטומערס. און דאן וועט ער אויסגיין פון הונגער...

ס'נישט קיין תירוץ "איימסארי, איך קען דיר נישט געבן קיין סערוויס, ס'קאסט מיר צו סאך". אויב סערוויס קאסט דיר טאקע צו סאך האסטו צוויי ברירות:
1) מאך צו דאס געשעפט. גיי פרוביר צו טרעפן א ליין וואו קאסטומער צופרידנהייט איז נישט קיין ארטיקל, אדער קאסט עס נישט קיין סאך.
2) אויב ס'איז ממש אזוי אז קאסטומער סערוויס פארנעמט ביי דיר די גאנצע בודשעט, נישט סתם א פוילע תירוץ זיך צו שפארן דריי דאללער, מוזטו זיך אראפזעצן מיט א פראפעשאנעל זען וואס מ'קען טון. עפעס טוסטו נישט גוט דא. ערגעץ האסטו א לאך.
און ס'איז זייער מעגליך אז נאך אלעם וועט דיר דער פראפעשאנעל שיקן צו אפציע נומער איינס...

לגבי ל. יאקאבס ארטיקלען, איך האב עס געליינט מיט אינטערעס. איך האב געמיינט אז ער מיינט עס ערנסט. די לעצטע צוויי וואכן האב איך איינגעזען אז ס'איז געווען סתם איין גרויסע עדווערטייזמענט פאר וויליאמסבורג קאר סערוויס. אויך נישט שלעכט, אבער ער האט דא אפגע'הרג'עט א גוטע געלעגנהייט צו זיין דער גוטער שליח אלס פארמיטלער צווישן די הונגעריגע (פאר פרנסה) בעלי בתים און די זאטע (פון הארץ-עסעניש) קאסטומערס.

נאך א זאך: מיינע פראבלעמען מיט אידישע אייגנטומער.
1) איך גלייך נישט אריינצוקומען אין א סטאר און זיך אנטרעפן מיט באבלאזענע אייגנטומער. צו סתם אזוי א צעמישעניש פון א סטאר אן קיינעם ביי דער האנט מיר ארויסצוהעלפן. און יא, איך מעג פרעגן א קשיא איבער א ספעציפישע אייטעם וואס איך האלט ביים קויפן, אן זיך דארפן ספראווענען מיט דיינע נערוועזע אויסברוכן.

יא, ל. יאקאב האט טאקע חוזק געמאכט דערפון אז די גוי'שע סטארס שטעלן סתם אן א פאלשע שמייכל וכו'. להוי ידוע, איך נעם אן פאלשע שמייכלעך אויך. נאך אלץ ענדערש ווי זיך דארפן ספראווענען מיט אן עכטע מרה שחורה...

2) איך גלייך נישט זיך צו דרייען מיט קעש, ממילא פרוביר איך צו צאלן ווי מער מיט קרעדיט קארד. ווען א קעשיער זאגט מיר "מיר נעמען נישט אן קרעדיט קארדס אונטער 10 דאללער", ווילט זיך מיר איבערלאזן אלעס דארט אויפן קאונטער, ארויסשפאצירן און גיין צום גוי וואס נעמט געווענליך וואס מ'געט אים בסבר פנים יפות.
וואס איז, וועסט פארלירן $1 פאר קאסטומער סערוויס? ס'נישט אזא שלעכטע איידיע! אפי' דו וועסט אויף דעם פארקויף נישט מאכן קיין טראפ פראפיט.
קאסטומער סערוויס מיינט נישט נאר ווען מ'זעט גלייך ווי דאס געלט קומט צוריק.

3) מעשה שהי'. איך האב געוואלט קויפן א געוויסע זייער טייערע ארטיקל. האב איך אנגערופן א אידישע סטאר זיך נאכפרעגן אויף פרייזן.
דער איד האט מיר ניטאמאל געלאזט קומען צום ווארט, די ערשטע שאלה וואס ער פרעגט מיר איז "זאג מיר דעם אמת, דו פרעגסט ווייל דו ווילסט 'קאמפעירן' פרייזן מיט אנדערע סטארס? ווייל איך האלט נישט ביים ענטפערן אויב דו גייסט נישט נאכדעם קויפן ביי מיר"... איך האב אים געמוזט זאגן ווער מיין טאטע איז, ווער מיין שווער איז, און ווער מיין טאטענס שווער איז, און דאס אלעס נאר אלס דעפאזיט אז דער צדיק זאל ברוב רחמיו אויסשפריצן אביסל שפייעכץ פאר מיר.
מר. יאקאב, איר ווילט זיך אננעמען פאר אים? אויב יא, האלט איך נישט ביים ענטפערן...

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דאנארשטאג אפריל 05, 2012 1:58 am

איבער די טעמע גילט דער כלל אז דער קונד איז שטענדיג גערעכט, אפילו ווען נישט איז ער אויך גערעכט,
ווייל אח און וויי איז צו דעם בעה"ב וועלכער איז טאקע גערעכט, אבער די קונדן באווייזן זעך נישט.


מאנאגרעמס האט געשריבן:3) מעשה שהי'. איך האב געוואלט קויפן א געוויסע זייער טייערע ארטיקל. האב איך אנגערופן א אידישע סטאר זיך נאכפרעגן אויף פרייזן.
דער איד האט מיר ניטאמאל געלאזט קומען צום ווארט, די ערשטע שאלה וואס ער פרעגט מיר איז "זאג מיר דעם אמת, דו פרעגסט ווייל דו ווילסט 'קאמפעירן' פרייזן מיט אנדערע סטארס? ווייל איך האלט נישט ביים ענטפערן אויב דו גייסט נישט נאכדעם קויפן ביי מיר"... איך האב אים געמוזט זאגן ווער מיין טאטע איז, ווער מיין שווער איז, און ווער מיין טאטענס שווער איז, און דאס אלעס נאר אלס דעפאזיט אז דער צדיק זאל ברוב רחמיו אויסשפריצן אביסל שפייעכץ פאר מיר.
מר. יאקאב, איר ווילט זיך אננעמען פאר אים? אויב יא, האלט איך נישט ביים ענטפערן...



אבער על פי הלכה טאהר מען נישט פרעגן קיין פרייזן, אז מען האלט נישט דער-ביי דארט איין צו קויפן, נאר אז מען זאגט פון פאר-אויס.

אריין אין ידיעות התורה . . .
ועמך כולם צדיקים

אוועטאר
שנאפס
שר עשרת אלפים
תגובות: 15207
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » דאנארשטאג אפריל 05, 2012 11:39 am

פארוואס ליגט דער אשכול אין פארברענגען? גיי ווייס
kraitchmah עט גימעיל

באקומט סטאקס בחנם

בוידעם
שר ששת אלפים
תגובות: 6230
זיך איינגעשריבען אום: זונטאג סעפטעמבער 18, 2011 6:15 pm
לאקאציע: אויבן אויפן בוידעם

תגובהדורך בוידעם » דאנארשטאג אפריל 05, 2012 11:43 am

שנאפס האט געשריבן:פארוואס ליגט דער אשכול אין פארברענגען? גיי ווייס


איך ווייס, ווייל די גאנצע דעבאטע איז א צייט פארברענגעריי, מ'קען נישט טוישען די וועלט.
רצונינו לעשות רצוניך.

אוועטאר
דזשעב 012
שר האלף
תגובות: 1354
זיך איינגעשריבען אום: זונטאג יוני 27, 2010 6:52 am
לאקאציע: על אדמת אמעריקע

תגובהדורך דזשעב 012 » דאנארשטאג אפריל 05, 2012 11:46 am

שנאפס האט געשריבן:פארוואס ליגט דער אשכול אין פארברענגען? גיי ווייס

אין 'דער איד' ליגט עס אויך אין די פארברענגען אפטיילונג

משמש
שר חמישים ומאתים
תגובות: 364
זיך איינגעשריבען אום: זונטאג מארטש 29, 2009 10:02 am

תגובהדורך משמש » דאנארשטאג אפריל 05, 2012 12:07 pm

מאנאגרעמס האט געשריבן:
לגבי ל. יאקאבס ארטיקלען, איך האב עס געליינט מיט אינטערעס. איך האב געמיינט אז ער מיינט עס ערנסט. די לעצטע צוויי וואכן האב איך איינגעזען אז ס'איז געווען סתם איין גרויסע עדווערטייזמענט פאר וויליאמסבורג קאר סערוויס. אויך נישט שלעכט, אבער ער האט דא אפגע'הרג'עט א גוטע געלעגנהייט צו זיין דער גוטער שליח אלס פארמיטלער צווישן די הונגעריגע (פאר פרנסה) בעלי בתים און די זאטע (פון הארץ-עסעניש) קאסטומערס.


איך בין איינשטימיג. די ראלע פון א שרייבער איז צו זיין זעלבסטשטענדיג, דורכלערנען דעם ענין, און שרייבן ביידע צדדים אן קיין אינטערעסן.
ווען ער נעמט איין ספעציפישע קאמפעני און אן באצייכענען 'באצאלטער אנאנס' שרייבט אן ארטיקל מיט אלע סיבות פארוואס מ'מוז זיי נוצן, האט ער נישט געטוען זיין פליכט.
און אזוי ווי מאנאגרעמס זאגט, סאיז א שאד.
קאמענטארן זענען איבעריג?! אינגאנצן נישט!

אוועטאר
בדיל ויעבור
שר מאה
תגובות: 141
זיך איינגעשריבען אום: מאנטאג אוקטובער 24, 2011 3:39 pm
לאקאציע: במקום הנ"ל
פארבינד זיך:

תגובהדורך בדיל ויעבור » מאנטאג אפריל 16, 2012 2:40 pm

סאיז דא נאך אידישע קאר סערוויס אין וויליאמסבורג?
הק' בדיל ויעבור

קרויט לאקשען
אנשי שלומינו
תגובות: 5
זיך איינגעשריבען אום: מאנטאג אפריל 16, 2012 12:31 pm

תגובהדורך קרויט לאקשען » מאנטאג אפריל 16, 2012 5:03 pm

וויליאמסבורג קאר סערוויס איז די איינציגסטע קאר סערוויס אין ווילי מיט לויטער היימישע דרייווערס
לעצט פאראכטן דורך קרויט לאקשען אום מאנטאג אפריל 16, 2012 7:30 pm, מאל פאראכטן געווארן 1 סך הכל.

אוועטאר
בדיל ויעבור
שר מאה
תגובות: 141
זיך איינגעשריבען אום: מאנטאג אוקטובער 24, 2011 3:39 pm
לאקאציע: במקום הנ"ל
פארבינד זיך:

תגובהדורך בדיל ויעבור » מאנטאג אפריל 16, 2012 7:10 pm

אויב איז וויליאמסבורג קאר סערוויס די איינציגסטע אידישע אין וויליאמסבורג, פארוואס זאגט איר אז דאס איז אן אדווערטייזמענט?
ער איז דאך הונדערט פראצענט גערעכט!
אין קרית יואל איז היינט דא א קאמפעטישן פון דריי היימישע קאר סערוויס, ליבערמאן, מאטי, און הצלחה, וואס היימישע אינגעלייט דרייוון און בערך הונדערט און פופציג אידן ברענגען אהיים פון דעם פרנסה!!!
פארוואס זאל נישט זיין אזוי אין וויליאמסבורג?
אמאל פלגעט מען אין קרית יואל אויך מייסטענס נעמען גוי'אישע קאר סערוויס, אבער אין די לעצטע בערך 3-4 יאר האט זיך דאס היבש אויסגעריסן, און דאס איז סאך געשמאקער, אזוי ווי דער יאקאב שרייבט
הק' בדיל ויעבור

אוועטאר
יואל שווארטץ
שר האלף
תגובות: 1214
זיך איינגעשריבען אום: דינסטאג יולי 19, 2011 11:17 pm

תגובהדורך יואל שווארטץ » מאנטאג אפריל 16, 2012 8:10 pm

בדיל ויעבור האט געשריבן:אויב איז וויליאמסבורג קאר סערוויס די איינציגסטע אידישע אין וויליאמסבורג, פארוואס זאגט איר אז דאס איז אן אדווערטייזמענט?
ער איז דאך הונדערט פראצענט גערעכט!
אין קרית יואל איז היינט דא א קאמפעטישן פון דריי היימישע קאר סערוויס, ליבערמאן, מאטי, און הצלחה, וואס היימישע אינגעלייט דרייוון און בערך הונדערט און פופציג אידן ברענגען אהיים פון דעם פרנסה!!!
פארוואס זאל נישט זיין אזוי אין וויליאמסבורג?
אמאל פלגעט מען אין קרית יואל אויך מייסטענס נעמען גוי'אישע קאר סערוויס, אבער אין די לעצטע בערך 3-4 יאר האט זיך דאס היבש אויסגעריסן, און דאס איז סאך געשמאקער, אזוי ווי דער יאקאב שרייבט


מאנאגרעמס האט געשריבן:לגבי ל. יאקאבס ארטיקלען, איך האב עס געליינט מיט אינטערעס. איך האב געמיינט אז ער מיינט עס ערנסט. די לעצטע צוויי וואכן האב איך איינגעזען אז ס'איז געווען סתם איין גרויסע עדווערטייזמענט פאר וויליאמסבורג קאר סערוויס. אויך נישט שלעכט, אבער ער האט דא אפגע'הרג'עט א גוטע געלעגנהייט צו זיין דער גוטער שליח אלס פארמיטלער צווישן די הונגעריגע (פאר פרנסה) בעלי בתים און די זאטע (פון הארץ-עסעניש) קאסטומערס.
THE KEY TO SUCCESS: is, after all, just a key. You have to make sure that you have the right key, to the right door, to the right success.

אוועטאר
חייקל
שר חמש מאות
תגובות: 628
זיך איינגעשריבען אום: מאנטאג סעפטעמבער 15, 2008 5:41 pm
לאקאציע: ביים טישל ווי ס'ליגט די געשמאקע תיקון יי"ש מיט לקח לחיים!

תגובהדורך חייקל » מאנטאג אפריל 16, 2012 9:21 pm

כ'האב אויך געזעהן א פאטענציעל אין דעם קאלום "פארוואס אנטלויפט מען" האט אין די ערשטע רייע ארטיקלן איידער ער איז פארפארן בארירט זייער גוטע נקודות, אבער כ'האב געהערט פון די סוחרים א וויי געשריי, היתכן ער העצט צו גיין קויפן ביים גוי.... שוטים שבעולם, לייג צוריק דעם קאפ אין זאמד, דו זעהסט נישט אז ס'פאסירט, ווילסט וויסן וואס דו קענסט טוהן דערצו, אדער שרייען שא שטיל רעד נישט דערפון.

זיין באשרייבן וויליאמסבורג קאר סערוויס איז זיכער גוט באצאלט, גענוי אזוי ווי ווען מאנכע צייטשריפטן ווידמען אונטער'ן קעפל פון וויסענשאפטליכע און העכסט אינטערעסאנטע ארטיקלן באשרייבונגן וויאזוי נר מצוה מאכט ליכט, וויאזוי תפארת מאכט ציצית, וויאזוי קדם מאכט וויין, וויאזוי גאמבא באקט קיפעלעך, אדער אפילו וויאזוי עסקן פלוני שתל'ט 24 שעה פאר כלל ישראל, וואס הויבט זיך געווענליך אן מיט א פארווארט זעהנדיג די גרויסע אינטערעסע פון ציבור צו ליינען וויאזוי גאמבא מאכט זיינע קיפעלעך האט דער שרייבער זיך איינגעבעטן ביי גאמבא זאל עם ערלויבן צו מאכן א שפאציר אין זיין בעקעריי - אדער עסקן פלוני זאל אונז שענקן אן אינטערוויו, קוים מיט צרות האט ער אונז ערלויבט .... וועמען נארט מען, אונז נארישע ליינער, דאס איז ריין באצאלטע אדווערטאריעלס וואס ווערט אריינגעפיטערט מיט א מאסקע פון לייען מאטעריאל.

אבער - איך האלט אז ווארשיינליך וועט בקרוב קומען א פארעווע מעלדונג אז דער קאלום "פארוואס אנטלויפט מען" איז געשלאסן, צוליב וואס מיר האבן שוין ערפילט דעם ציהל בלא בלא בלא...

איר געדענקט ווען "דער דירות קריזיס" קאלום איז פלוצלינג אריינגעווארפן געווארן אין דער גניזה... מיט אזא טרוקענע מעלדונג "דער קאלום האט שוין ערפילט איר ציהל", ביי וועמען? נישט ביי מיר, נישט ביי מיינע ברודער-שוואגער און חברים, מיר האבן געליינט דעם קאלום געשריבן מיט בלוט, ווען יעדעס ווארט איז אביסל באלזאם, אז כאטש אנערקענט מען שוין דעם פראבלעם, אפשר וועט דאס עפעס אויפטוהן.

קוקט אבער אויס, אז "דער דירות קריזיס" קאלום האט שוין ענדליך אנגעהויבן לייגן דעם געוואונטשענעם דרוק אויף די "געלט גייציגע לענדלארדס" א.ג. חשוב'ע נגידים און הויכגעשעצטע תומכי תורה, וואס צאפן אויס דאס לעצטע פרוטה אן קיין רחמנות ביי אונז ארעמע כולל אינגעלייט און שוואכע פארדינער טענענטס... און באגליקן מיך מיט זייער שיינע נתינה ביים דינער, פאר'ן ריכטיגן באצאלטן כבוד מיט קאלירטע מזל טוב'ס אין די צייטונגן, איז דעריבער גיקומען א באפעל צו סטאפן באצייטענס פאר עס ברענגט א רעוואלוציע.
נישט יעדן טאג רעגנט... אט קומט ארויס די זוהן פון אונטער די וואלקענעס - לא יהי' לעולם אפילה - יזרח לנו במהרה!

בוידעם
שר ששת אלפים
תגובות: 6230
זיך איינגעשריבען אום: זונטאג סעפטעמבער 18, 2011 6:15 pm
לאקאציע: אויבן אויפן בוידעם

תגובהדורך בוידעם » מאנטאג אפריל 16, 2012 10:07 pm

אין אנדערע ווערטער די ציל איז געווען צו באקומען די ריכטיג באצאלטע כבוד מיט קאלירטע מזל טוב'ס אין די צייטונגען. גאנץ גוט !
רצונינו לעשות רצוניך.

מי חכם
שר ארבעת האלפים
תגובות: 4080
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » דינסטאג אפריל 17, 2012 12:18 am

חייקל, דו האלטסט באמת אז א ארטירקל אין א אויסגאבע איז בכח צו מאכן רעוואלוציעס ביים היימישן ציבור?
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אוועטאר
Rabeiny
שר מאה
תגובות: 206
זיך איינגעשריבען אום: דינסטאג פאברואר 14, 2012 4:05 pm

תגובהדורך Rabeiny » דינסטאג אפריל 17, 2012 12:31 am

מי חכם האט געשריבן:חייקל, דו האלטסט באמת אז א ארטירקל אין א אויסגאבע איז בכח צו מאכן רעוואלוציעס ביים היימישן ציבור?

יא


צוריק צו “היימישע פארברענגן”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט