נאן סטאפ ויהי נועם!

[וואדקע]

עס גייט שוין ארויס פון קאנטראל,
ס'איז רעדיקאלעס!!!
איך זאג און זאג און זאג און איך ווייס נאך אלס נישט צו איך האלט ביי די פיפטע אדער גאר די דרייסיגסטע מאל,
איך האב שוין פרובירט די באוואוסטע עצה פון צוזאמלייגען אלע פינקערס און אויפמאכען איין פינגער אויף אמאל אבער עס העלפט א ווייכע רעטעך! נאך די דריטע אדער 9טע מאל בין איך שוין ווייטער מסופק אויב די פאריגע פינגערס האב איך אויפגעמאכט ווען איך האב גיענדיגט די קאפיטל אדער ווען איך האב אנגעהויבן נאכאמאל?
בכלל טוט מיר די הענט וויי פון האלטען די הענט צוגעמאכט טייט אזוי לאנג, (עס מיז זיין פארמאכט זייער טייט ווייל טאמער נישט האב איך מורא אז איינס וועט זיך עפענען אליין און עס וועט צומישען די חשבון)
פארוואס קענען נישט די זאגערלעך האבען זיבען מאל די קאפטיעל און פארטיג? אזוי שווער צו מאכען קאפי פעיסט?
עני עדווייס?

[דזשעב 012]

גרייט דיר אן זיבן לאטקעס, און נאך יעדע מאל זאגן, עס איין לאטקע. און אז די וועסט דיר טרעפן מיט א ליידיגע טעלער, וועסטו וויסן אז דו ביסט פערטיג.

[געלעגער]

מיינע פיס פינגער דינען ריכטיג זייער צוועק.

[צום זאך]

פארוואס קויפסטו נישט נר מצוה'ס ויהי נועם טיימער?

[מאנאגרעמס]

עצה טובה: לייג צוזאם דיינע פינגער און לייג דיין האנט אונטערן זאגערל. ווען דו עפנסט איין פינגער לייג עס העכערן זאגערל. ביים צווייטן מאל זאגן עפן דעם צווייטן פינגער און לייג עס העכערן זאגערל. אא"וו.

[פונקטליך]

עצה טובה: לייג צוזאם דיינע פינגער און לייג דיין האנט אונטערן זאגערל. ווען דו עפנסט איין פינגער לייג עס העכערן זאגערל. ביים צווייטן מאל זאגן עפן דעם צווייטן פינגער און לייג עס העכערן זאגערל. אא"וו.

בדוק ומנוסה
גם אני נוהג כן

[ברענעריי]

אין א דערנעבענדיג אשכול האט קרעמער צוגעצייכנט אז ער האט אויפגעמערקט וואו איינע פון די רבנים וואס האבן זיך באטייליגט ביי א פראטעסט האבן געציילט מיט די פינגער ווען זיי האבן געזאגט זיבן מאל דעם ה' הוא האלקים.
דאס צייגט אז יעדער ניצט די הענט ארויסצוהעלפן מיט די מאטאמאטיקס.

[לאקשען ברעט]

זינג ויהי נועם מיט די ניגון פין די הקפות, ווען די וועסט האלטען ביי די ניגון פין די זיבעטע הקפה וועסטו וויסען אז די האלסט ביי די זיבעטע,
אדער בוי אויף זיבען הייזער אין ביי יעדע ויהי נועם ווארף איין איין הויז,

[אויפריכטיג]

אדער גרייט אן זיבן וואקסינען און נאך יעדע ויהי נועם נעמם איין א וואקסין....

[טהור-עיניים]

וואדקע, דו מיינסט אז דריקן זיבן מאל ויהי נועם אין דעם זאגער וועט העלפן? א פייג. איך האב געהאט אזא סארט זאגער (די סקווערער חסידים האבן אמאל ארויסגעגעבן אזאן זאך) און ס'האט געהאלפן ווי א טויטן באנקעס, איך האב זיך געהאלטן אין איין צומישן צווישן דעם שפעטערדיגן מיט דעם פריערדיגן.

לדעתי איז דער בעסטער עצה, אנצוגרייטן זיבן לאטקעס, ווי מען האט שוין דא געשריבן. דאס דארף לכאורה צו ארבעטן.

[סאדע_באטל]

פאר די זיבן מאל ה' הוא האלקים האט מען שוין א זיבן שורהדיגע עטרה. (א רחמנות אויף די וואס האבן זעקס.....)

[קרעמער]

מיינע זיידעס נבג"מ האבן זיך טאקע נישט געפירט צו זאגען ויהי נועם ביי חנוכה ליכט (אפשר צוליב דעם פראבלעם )

[שמערי בערי]

נ'שוין, נר מצוה שיקט מיר יעצט א גוגל באזז אז נעקסטע יאר קומט ער ארויס מיט א "וואויס רעקאגנישאן סיסטעם" וואס וועט אויפכאפן פונקטליך וויפיל מאל דו האסט שוין געזאגט ויהי נועם.

[יגרסהדותא]

איך זינג ביי יעדע "ויהי נועם" אן אנדערע לידל, איין ניגון זינג איך [מ'נעמט א ניגון למשל "בך בטחו" און אויף דעם זינגט מען ויהי נועם], ביים צווייטן מאל זאגט דאס ערשטע קינד וועלכע ניגון צו זינגן, און אזוי ביים דריטן וכו', בלייבן טאקע צוויי קינדער אויסגעשפילט... עהה, אבער ב"ה אזוי איז דא קאנטראל.

פארוואס איך טוה דעם וועג? ווייל ס'איז נישט שיין אויסצוטון די זאקן און פראנט פון די חנוכה ליכט...

[jkup50]

מיינע זיידעס נבג"מ האבן זיך טאקע נישט געפירט צו זאגען ויהי נועם ביי חנוכה ליכט (אפשר צוליב דעם פראבלעם )

קענסט מיר זאגען ווער זיי זענען אפשר בין איך אויך א אייניקעל

[קרעמער]

מיינע זיידעס נבג"מ האבן זיך טאקע נישט געפירט צו זאגען ויהי נועם ביי חנוכה ליכט (אפשר צוליב דעם פראבלעם )

קענסט מיר זאגען ווער זיי זענען אפשר בין איך אויך א אייניקעל

יעדער דארף טוהן וואס ער האט געזען ביי זיין פאטער, אלזא אויב דיין פאטער זאגט ויהי נועם, וועט דיר נישט העלפן אז דו שטאמסט אויך פון מיינע זיידעס

[ווער בין איך?]

יעצט אויסגעפונען אז ס'דא וואס זאגן עס, וואס איז די ענין דערביי? ווען זאגט מען עס? מיין טאטע האטעס נישט געזאגט און זאגטעס נאכאלס נישט.

[וואדקע]

ווער בין איך בעסער אינטרעסיר דיר נישט דערין

[געלעגער]

איך האב נישט געוואוסט אז ס'דא וואס לאזן דאס אויס. קרעמער איך קען ווערן דיין קוזין?

[שמערי בערי]

איך זינג ביי יעדע "ויהי נועם" אן אנדערע לידל,

אה, דו ביסט דער שכן וואס האט געזונגען נעכטן "דשינא דשינא דשינא" אויף ויהי נועם?

---

ערנסט גערעדט, איך פיר מיך שוין יארן אז יעדע ויהי נועם איז איין פינגער אויפגעהויבן די גאנצע צייט, ביים ערשטן איינס און צווייטן צוויי אא"וו, און כ'וויס אימער אז די פינגער וואס ס'אויפגעהויבן דארט האלט איך.

אה, און פאר איךפארגעס, היינט האב איך מיר עפעס פארקלאצט אינמיטן די זיבעטע מאל, און ביים ענדיגן האבאיך ערליכערהייט אויפגעהויבן די אכטע פינגער און געזאגט ווייטער...

[מי יודע]

טערעסאנט, וואס טוט עטץ אלע ביי למנצח פאר תקי"ש?
לאטקעס איז נישטא, דזשינא קען מען נישט מיטזאגן, דער בעל תפלה ווארט געווענליך דער עולם זאל שטיל ווערן (וועגן דעם נעמט עס אפשר אזוי לאנג)

[צום זאך]

ביי ענק גייט מען נישט אין מקוה פאר יעדעס מאל למנצח?

נישט זאלסטע יעצט זיך אנהייבן אזוי פירן, טוה ווייטער אזויווי דו האסט געזען ביי דיין טאטן

[מי יודע]

א איד זאגט מיר היינט
איך האב מיר געלערנט פון מיין טאטן, מיין זיידע פלעגט עסן יעדע נאכט זיבן לאטקעס געפרעגלט אין אויל, מיין טאטע האט משנה געווען ער האט אויפגעהערט (כלומר'שט וועגן געזונט, נע, עצת היצר)
נו, מיין טאטע פלעגט זאגן ויהי נועם יעדע נאכט זיבן מאל, מעג איך אויך משנה זיין, (אויך עצת היצר...)

[טהור-עיניים]

מי יודע, האסט מעך דערמאנט א גוטן מעשה. א איד האב איך געקאנט וואס האט קיימאל קיין תחנון נישט געזאגט. פרעג איך אים אמאל פון וואו נעמסטו דעם היתר נישט צו זאגן תחנון. זאגט ער מיר מיטן גרעסטן פשטות: מה דאך ווען מען האט א יאר צייט זאגט מען נישט קיין תחנון, ווען מען האט גארנישט צייט זאגט מען דאך אוודאי נישט קיין תחנון...........

[משנה מקום]

אריין אין מילתא דבדיחתא