ווי איך זעה ביי מיר פון מאכן פאטעיטא קוגלעך יארן לאנג, איז ווי מער אויל מאכט עס מער רינענדיג ווי אין דיין בילד און ווי מער אייער מאכט עס ציענדיג/קלעבעדיג אז עס זאל נישט ממש זיין וואסער'דיג אזוי ווי דיין בילד (הגם די בילד קען זיין אביסעל פאטאשאפ מיט די גלאנץ).
די נעקסטע הויפט כלל איז וויזוי מען צומאלט עס,משנים קדמניות איז געווען די רייב אייזען,ווער דענקט נאך? וואס דאס איז היינט צוטאגס די זעלבע ווי די ספעציעלע קוגעל בלעיד פון די בראון מאשינען אדער באוש אדער מעזשיק מיל וכדומה, וואס עס ווערט אינגאנצען צומאלן אזוי ווי ווען די זאלסט ווען נוצן די רייב אייזען.
די רעסעפי וואס איך מאך איז בערך אזוי
למשל
15 פאטעיטאס
14 אייער
{אייביג איין אייער ווייניגער פון וויפעל פאטעיטאס די לייגסט}
15 לעפלעך ווארעמע סעלצער,דאס מאכט עס אויפגיין, מען קען לייגן וואסער אויך אנשטאט
דערנאך זאלץ און פעפער כפי הצורך
נאכדעם בערך א קאפ אויל , ווענט זיך ווי אויליג די ווילסט עס, איך למשל קאך אויף די אויל און א קליין טעפעל ביזן באבלען , מען מיז נישט אויפקאכן אבער עס קען עס מאכן מער פלאפי די אויל מיט די רעסעפי
דערנאך מישט מען אלעס צוזאם גאר גוט און אריין אין אויווען פאר בערך אנדערהאלבען שעה אויף 425, פארשטייט זיך די אויווען זאל זיין גוט הייס אויף 425 פאר מען לייגט עס אריין
דערנאך וועגן די אווערנייט איז נישט קיין שום תורה , לאז עס איבערנאכט אין אויווען גוט געסילט מיט סילווער פאפיר מיט א דעקעל ,מיט א בעקעלע וואסער דערונטער עס זאל עס וועפארייזען און אויך אריינלייגען הייס וואסער אינעם קוגעל זעלבסט אדער נאר אריינלייגען וואסער אינעם קוגעל זעלבסט און גאר גוט פארמאכן,אדער קענסטו עס אריינוויקלען און באק פאפיר און אריינלייגען אינעם טשולענט וואס האט אלע טעמים.
דערנאך קענסטו פרובירן אריינלייגן שמאלץ פעט אנשטאט אויל אונעם קוגעל אדער קענסטו לייגן קאטשקע פעטענס פון פלא פאולטערי וואס זיי פארקויפן קליינע שאכטלעך אויפן גראסערי שעלף אין פריזשעדער וואס דאס איז ריכטיג אלע טעמים נעקסט לעוועל.
און צו מאכן יאפטשיק גיס אריין העלפט פאטעיטאס אין בעקעלע דערנאך לייג אריין צומאלענע אדער שטיקער פלאנקען אויסגעשפרייט און דערנאך די איבריגע פאטעיטאס דערויף ,דאס איז שוין מעין עולם הבא
און גראדע די חריין אינעם בילד שמעקט מיר ,וואס מיט א שמאלציגען קוגעל מיט היימישע חריין ווער רעדט נאך, מיט א קראנטשי פיקעל צו די זייט
איי פארגעסט נישט צו זאגן א לשם יחוד לא להנאת גופי און לכבוד שבת קודש בשעת'ן עס מאכן עטליכע מאל און פארשטייט זיך מיט א קורצע תפילה, און די קוגל וועט רעדן ווערטער
בדוק ומנוסה
- 20200120_023015-1010x586.jpg (224.37 KiB) געזען 1198 מאל
- Screenshot_20200120-024923_WhatsApp-1079x505.jpg (181.36 KiB) געזען 1198 מאל