ברעיקינג!! נאטן פון יעקב אבינו'ס ניגון

[זיידעניו]

ביי מר איז עס א חידוש, אפשר ביי דיר נישט, אבער איך האב פינקט די וואך שבת וואס די סדרה רעדט זיך פון יעקב מיט זיינע שאף אנגעטראפן א אלט ספר פון קאפי קארנער, פון באטשוטשע רב דעם ספר דעת קדושים ווי ביים לעצטן עמוד איז דא דארט די נאטן פון דער ניגון וואס יעקב אבינו האט געזינגען מיט גרויס דביקות ווען ער האט געפאשעט פעטער לבן'ס שעפעלעך, און צו דעם ניגון קומט נאך צו צוויי מעשיות'ליך וואס לחיבת הקודש האב איך אפיר געזיכט דעם ספר אויפן נעט און אהער געברענט די נאטן באנאזאם מיטן סיפור, אבער דא עקא אז איך קען עס נישט אויסזינגען אבער מיין הארץ גארט עס צו קענען, א קלייניגקייט, א ניגון וואס דער הייליגער ריזינער און אויכעט א באטשוטשער רב זאגן נביאות בסגנון אחד אז דאס איז דער ניגון וואס יעקב אבינו דער בחיר האבות האט זיך אונטער געזונגען מיט גרויס דביקות ביין שאף פאשענען.

על כן לכל אחד מכם, פאר אלע אייך דא וואס ליינען די שורות און קענען אויף שפילן די נאטן זאלן א טובה טוהן פארן ציבור (און פאר מיר אויכעט שטייצעך) און עס אראפשפילן כיד ה' הטובה עליכם.

[זיידעניו]

דא איז די לינק צום סיפור
http://www.hebrewbooks.org/pdfpager.asp ... 81&hilite=

און דא איז דער לינק צום ניגון
http://www.hebrewbooks.org/pdfpager.asp ... 83&hilite=

[אלף בית]

געוואלדיג זיידעניו.
מיינע אויערן זענען שוין אנגעשפיצט קעדי צו הערן דעם דביקות'דיגן ניגון.

[פלאפי יוד]

אויב איך געדענק גוט, אויפן טעיפ לעילא ולעילא פון ליפא שמעלצער, פאר איינע פון די ניגונים הייבן זיך אן, זאגט ליפא: "יעקב אבינו פאשעט די שאף" און ער הייבט גלייך אן א ניגון. קען זיין ס'איז דער ניגון.

[פלאפי יוד]

יא, כ'האב נאכגעקוקט, ס'איז ניגון נו. 10 כ'האב נישט די דעקל נעבן מיר, מילא ווייס איך נישט פון ווי דאס ניגון שטאמט, אבער ס'סאונד'ט הייליג. אפשר איז עס דאס וואס איר זוכט.

איך פרוביר נאר צו העלפען.

[זיידעניו]

איז דא ערגעץ ווי מען קען הערן דעם ניגון אנליין?,

[פלאפי יוד]

http://www.mostlymusic.com/lipa-schmelt ... -2485.html

[ווייסעך וואס]

שכויעך פאלאפי!

עס איז זייער קורץ, איך קען נישט כאפן דעם ניגון.

[פלאפי יוד]

ס'סאונד ווי א שעפעלע ניגון

[אלץ-ווייסער]

דאס איז דער ניגון פון לעילא ולעילא.

יעקב אבינו פאשעט די שאף


איך ווייס צי נישט דאס איז דער ניגון וואס ווערט געברענגט אין די ספרים.
דאס איז "כמעט די גאנצע" ניגון פון ליפא'ס טעיפ. (כמעט די גאנצע, אן די אינטרא), כדי נישט בא'גנב'ן מיין ידיד, ר' ליפא.

[לחיים ולברכה]

כ'קען אביסקעלע נאטן, הגם זייער שטייט און אפשר נישט פונקטליך. אבער איך האב נישט געטראפן די ניגון פון ליפא'ן אין די נאטן. ס'האט אפאר ענליכקייטן, אבער כ'מיין אז ס'איז נישט דאס זעלבע.

[ווייסעך וואס]

ישר כח אלץ ווייסער

[חוקר]

לחיים ולברכה שרייבט
כ'קען אביסקעלע נאטן,

נו אפשר ביסטי אינז מהנה?

[הכל בכל מכל]

סאיז מיר נאר געווען אינטערעסאנט אז ליפא אליין זאגט אונז אז סאיז נישט די ניגון, וואס האבן מיר נאך צו זאגן
(קוק אויפן אוועטער)

[הכל בכל מכל]

איך וויל טאקע זאגן איישר כח סיי פאר זיידעניו און סיי פאר אלץ ווייסער און פאר אלע אנדערע משתתפים פארן ארויף ברענגען אזא שיינע ענין

[זיידעניו]

יישר כח אלע מגיבים עס איז מיר א כבוד יעדע רעספאנדז עקסטער, אויב אייער וואס קען ליינען די נאטן וואלט געקענט אנגעבן זיין הסכמה אז דער ניגון וואס ידידינו שליט"א האטט ארויפגעשטעלט איז דער ניגון פון די נאטן וועט באקוומען א תגובה אויף פאסט.

אביסל קלארער די נאטן

[לחיים ולברכה]

אנטשולדיגט אידן, כ'ציה צוריק! מיט דעם קלארער נאטן וואס זיידעניו האט ארויפגעלייגט איז מיר געווען גרינגער צו צולייגן קאפ. די ערשטע שטיקל און די לעצטע האב איך געטראפן אין די נאטן, הגם א ביסעלע פארדרייט. אבער די צווייטע און די הויכע איז מיר געווען צו שווער צו מיטהאלטן.

הכל;

[שאץ מאץ]

הרב זיידניו!!!

איך האב געטראפן די מציאה אין ספר דעת קדושים אלץ יונגל פון 12 יאר, האב איך עס דערלאנגט פאר א שפילער וואס קען ליינען נאטן און ער האט דאס מיר אפגעשפילט, איך מוז מודה זיין אז ווען ליפא האט ארויס געגעבן דעם לעילא ולעילא האט ער עס אראפ געזינגען די זעלבע ניגון ממש (מיט בלויז פיצילע שינוים) ווער דער ניגון לויט די נאטן פון דעת קדושים....

ער ברענט דארט אז דער בוטשאטשער רב פלעגט זינגען דעם ניגון, און א חסיד האט דאס שפעטער געהערט אין רוזין, האט אים דער רוזינער געזאגט אז דער ניגון שטאמט פון יע"א ווען ער האט געפאשעט די שאף...

[לחיים ולברכה]

ווי געשריבן אינעם דערנעבנדיגן אשכול; ר' ירמי' דמן זינגט די ניגון אויף זיין נייע טעיפ אויף למנצח בנגינות און אנא בכח.

[מאקאווער]

דאס איז דער ניגון פון לעילא ולעילא.

יעקב אבינו פאשעט די שאף


איך ווייס צי נישט דאס איז דער ניגון וואס ווערט געברענגט אין די ספרים.
דאס איז "כמעט די גאנצע" ניגון פון ליפא'ס טעיפ. (כמעט די גאנצע, אן די אינטרא), כדי נישט בא'גנב'ן מיין ידיד, ר' ליפא.

איז מעגליך עס ביטע ארויפלאדענען נאכאמאל סהאט שוין לאַאַנג עקספייערט

[פיבער מעסטער]

דאס איז דער ניגון פון לעילא ולעילא.

יעקב אבינו פאשעט די שאף


איך ווייס צי נישט דאס איז דער ניגון וואס ווערט געברענגט אין די ספרים.
דאס איז "כמעט די גאנצע" ניגון פון ליפא'ס טעיפ. (כמעט די גאנצע, אן די אינטרא), כדי נישט בא'גנב'ן מיין ידיד, ר' ליפא.

איז מעגליך עס ביטע ארויפלאדענען נאכאמאל סהאט שוין לאַאַנג עקספייערט

גם אני מצטרף להבקשה

[SPUSMN]

וגם אני

אין מיינע בחורישע יארען האב איך עס אמאל געהערט, אין איך געדענק עס, אבער זיכער מיט גרייזען

עז איז דא נאך א ניגון וואס מען זאגט אז דער הייליגער ריזינער זי"ע האט געזאגט אז מיט דעם ניגון וועט מען אקייגען גיין משיח'ן, ווייסט איינער פון דעם

אויך זאגט מען דאס זעלבער זאך אויף דער ניגון אויף לקל אשר שבת מכל המעשים פונען הייליגען ראפשיצער זי"ע

[יהיה כן]

דא ברענג איך ארויף דעם ניגון ווי עס זינגט עס הגה"צ מיטב נגן בנש"ק ר' אלטר לייזער שליט"א רב דפשעווארסק וויליאמסבורג

http://www.mediafire.com/?word6s8hiucf8gb

כ'ווייס נישט וויזוי (כ)ליפא זינגט עס אבער ער זינגט עס כמקובל לבית אבותיו (עס האט נישט קיין מוזיק, קען מען עס הערן אין די דריי וואכן, לויט דיע וועלכע זענען זיך מקיל צי הערן אן מוזיק)

[מאקאווער]

"שקויעך הרב יהי' הכהן כן"

[פארשריבן]

דער באקאנטער שריפט-שטעלער ר' יוסף לייב יאקאב פון א"י האט די וואך געשריבן אינעם ארטיקל לב"י ובשרי ירננו לא-ל חי, אז דער נאנאשער רב שליט"א זאגט אויף א געוויסער ניגון אז דאס איז מקובל פונעם הייליגן ישמח משה זצ"ל וועלכער האט דאס געהערט פון יעקב אבינו וואס האט דאס געזינגען ביים פאשען די שאף.
לויט ווי ער שרייבט זינגען דאס אסאך אויף "שיעור המעלות" און זייער אסאך זינגען עס ביי די חנוכה ליכט צינדן.

אני הקטן קען אבער נישט צוטרעפן אויף וועלכער ניגון ער באציהט זיך.