א טרער אויפ'ן קבר פון ר' יו"ט עהרליך ז"ל

[farshlufen]

אני הקטן, בין דאס מערסטע איבערגענומען געווארן פון זיין ניגון "צימבלען" וואס ער זינגט אזוי צווישן די ליצנותא פון די אמעריקאנע ע"ז, עס בארירט א מענטש טיף אין הארצן מען ברויך זיין פון שטיין עס זאל נישט ברענגען כאטש א שנעלקעלע פון א הרהור תשובה.

[גרויזאמער]

סתם פאר ווער עס איז אינטערסירט צו הערן אביסל איבער ר' יום טוב'ס אקצענט.

אפאר יאר צוריק בין איך געווען אין ליזענסק, האב איך דארט געטראפן ר' יום טוב' זון, ער וואוינט אין ארץ ישראל. (איינער האט מיר שפעטער געזאגט אז ער האט איבערגעבויט דעם בילדונג פון ר' נחמן אין אומאן). ממש בדרך מקרה האב איך זיך אראפגעזעצט נעבן אים, האבן מיר געכאפט זייער א בא'טעמ'טע שמועס.

צום סוף געב איך אים א פרעג פארוואס ער רעדט א געשמאקן ארץ ישראל'דיגן אידיש, ווען איך וואלט ערווארט פון אים צו הערן "זיין טאטנ'ס" אידיש.

זאגט ער מיר אן אינטערסאנטע זאך, אז ביי אים אינדערהיים איז ער שטארק מקפיד צו רעדן אזוי, די טעכטער און די בני בית, אלע זענען באהאווענט אין דעם שפראך, און מען רעדט פיל אזוי צווישן זיך. אבער אינדרויסן, צווישן מענטשן, קען מען דאך נישט אזוי רעדן.

און דאן האט ער זיך גענומען רעדן א פליסיגן "ר'-יום-טוב-ערליכיש", אז ס'געגאנען א רויעך.

[מאשקע]

און וואס איז מיט ר' יו"ט אליין? ער האט אויך געקענט רעדן אונזער אידיש (אנשטאט יידיש)?

[בןהרחמן]

כ'האב געהערט נאך זאגן, אז די מעשה מיט יאקאב, איז געווען מיט אים אליין, (נישט קאנפירעמט.)
מאשקע, א גוטער בעל מספיד.
ת.נ.צ.ב.ה.

איך האב געהערט א גירסא אז יאקאב איז געווען א ירושלים'ער איד, וואס איז מיט עטליכע יאר צוריק נפטר געווארן.

קרעמער, כ'האב אויך אזוי געזען, אז יאקאב איז זיינס א חבר א סטאלינע חסיד, וואס איז שפעטער אנגעקומען קיין ארץ ישראל און ביי זיין חתונה, האט עס ר' יו"ט פארפאסט לדורן דרשה.

אגב, שרייבט ער דארט, אז די ניגון יאקאב, האט ער געהערט אין סאמארקאנד נאך די קריג פונעם בעל המעשה, און שפעטער זייענדיג אין פאריז ביידע, ווען יאקאב האט דארט חתונה געהאט, האט ער דאס געזינגען דאן.

כ'וואנדער ארום אין קרעטשמע אזוי שפעט ביינאכט די אויגן קלעבן מיר שוין פון מידעקייט, אט טראסקע איך אראפ אין א טיפן שלאף, ווען פלוצלינג דערזע איך דא א אשכול איבער דעם אלעמען באליבטן ר' יו"ט.

מיין טאטע איז פילע יארן געווען א שכן טיר ביי טיר מיט ר' יו"ט און איך בין אויפגעוואקסן שטענדיג הערנדיג זיינע קאסעטן און ניגונים מאלעי טעם. און ב"ה מיינע קינדער הערן עס יא אסאך און דערקוויקן זיך דערמיט. מיין פאטער האט אויך פיל געהערט פון עם וועגן זיינע ניגונים, און אויך וועגן דעם ניגון יאקאב, דער יאקאב איז געווען זיינער א חבר א סטאלינער חסיד, געהייסן ר' יעקב פאטאש ז"ל, ער האט געוואוינט אין בארא פארק, א קרוב מיינער האט מיר פארציילט אז ער האט עם גוט געקענט, געווען א גרויסער תלמיד חכם, א ריכטיגער פארצייטישער חסידישער יוד און דערצו א סטאלינער חסיד מיטן גאנצן ברען, געווען איין שטיק עבודת ה', ער האט געוואוינט ערגעץ אויף די פערצנטע עוועניו, כ'געדענק שוין נישט ווי, (מיין קרוב האט מיר געזאגט פונקטליך אבבער כאשוין פארגעסן), ער איז נפטר געווארן בערך פינף אין צוואנציג יאר צוריק.

היינט זייענדיג אין געשעפט האב איך דארט געזעהן דעם אויסגאבע 'דער בליק' פון דעם חודש מנחם-אב, און פונעם דעקל שרייען ארויס צו מיר די ווערטער

'יאקאב דער זינגער' ... און קיינער עס ווייסט נישט פון וואנען און ווער ... , און דערנעבן א פארצייטיש בילד פון א אינגערמאן\בחור, און אונטער דעם שטייט אז זיי האבן אן אינטערוויו מיט הרב העניך פאטאש א זון פון דעם העלד יאקאב.

דאס האט מיך שוין יעצט אנגערייצט, כאפ איך בליק אינווייניג און איך זעה א גאנצע באשרייבונג איבער דעם ניגון און דער העלד אונטער דעם, האב איך באשלאסן אז כאטש געווענליך ערלויב איך מיך נישיט אזוי שנעל צו קויפן אלע אויסגאבעס, אבער יעצט וועל איך מיך שוין מוזען פארגינען די זעקס טאלער צו קויפן דעם אויסגאבע.

עכ"פ וויל איך דא מיטטיילען פארן עולם אביסל וואס ער שרייבט דארט, (עטליכע זאכן האבן שוין אונזערע שרייבער אויבן דערמאנט), אז די מעשה איז טאקע פארגעקומען מיט ר' יעקב פּאָטאָש ע"ה, און ער האט טאקע געוואוינט אין בארא פארק, ער פארציילט דארט אז די ערשטע מאל האט ר' יו"ט ערליך געזינגען דעם ביי די חתונה פון ר' יאקאב נאכן קריג, ר' יו"ט האט זיך אויפגעשטעלט אינמיטן טאנצן און געזאגט אז ער וויל עפעס פארציילען פונעם חתן מיט וועמען ער איז געווען צוזאמען אין די שווערע צייטען, און ער גייט עס פארציילן אין פארעם פון א ליד, און דאן האט ער געזינגען דעם היינט שוין ברייט באוואוסטן ניגון פונעם העלד יאקאב,

נאך אן אינטערעסאנטע אומבאקאנטע פאקט פארציילט דער זון אינעם אינטערוויו, אז ר' יאקאב האט טאקע געהאט א חוש צו נגינה (ווי דער ניגון גייט 'יאקאב דער זינגער געהייסן האט ער'), און דעם צווייטן שנעלערן פאל וואס הייבט זיך אן ביי די ווערטער 'שבת אין דעם טיי הויז' און ענדיגט זיך מיט יעדעס מאל מיטן אויספיר 'יאקאב!', דעם פאל האט ר' יאקאב אליין פארפאסט (לכאורה נאר דעם טאן) און עס געגעבן פאר ר' יו"ט'ן.

דערנאך האט ער דארט א באשרייבונג איבערן ר' יאקאב'ס לעבן און זיין אפשטאם, וואס איך גיי נישט יעצט דא מעתיק זיין, ווער עס וויל קען נאכקוקען אינעם 'בליק'.

[קרעמער]

יישר כח!!

[מאשקע]

קודם שכוח פאר'ן מאגערער מאכן מיין בערזל מיט זעקס דאלאר...

דאס וואס דו זאגסט וועגן דעם שנעלן פאל, מאכט אסאך סענס, ווייל עס קלעבט טאקע נישט צום איבעריגן חלק פונעם ניגון...

[יאנאש]

א ריזן יישר כח פארן מראה מקום, גיימער עס קויפן.

[מיללער]

איינער האט דעם ניגון 'וויליאמסבורג' פון יו"ט ערליך? איך ברויך עס דרינגענד יישר-כחכם.

[פריילאך]

ווייסט איינער צו די יו"ט ערליך MP3/CD וואס מען פארקויפט איז קלאר?

[מאשקע]

יא, איך האב עס און ס'איז זייער קלאר, א געשמאק צו הערן.

[farshlufen]

קרעדיט, מיין ידיד אין אימעיל

[farshlufen]

אן אדווערטייזמענט אום תשכ"ט פאר ר' יום טוב'ס חבלי משיח רעקארד:
http://www.hebrewbooks.org/pdfpager.asp ... 5&pgnum=22

[farshlufen]

צוויי שיינע בילדער פון ר' יום טוב ז"ל ביי די עבודת הקודש, קרעדיט דער הער וויצע ראש הקהל דא

[הרבטייטעלבוים]

אוי

בעסער זיין א פשוטער זעלנער אונעם אויברשטענס ארמיי

[dovidal]

וויכטיג געזוכט די ווערטער פון די ניגון וואס ר' יום טוב זינגט פון רבי מאירל פרעמישלאנער, וועגן טוהן א חסד פאר א איד

[רבות מחשבות]

קען איינער ארויפלייקן א רעקארדירונג פין "צימבל" אויף דראפבאקס?

[סטאוו יא פיטא]

ארויף לכבוד די יארצייט היינט

1E699802-8D5C-4169-841C-C5B0741CCE77.jpeg (75.41 KiB) געזען 1157 מאל

[זילבערווערק]

פראנט פעידזש פון "די וואך אין שריפט", פארציילט איבער ארטיקל אויפן בעל ההילולא ר' יו"ט

[מקווה איד]

ווי ליגט ער?

[אינטער שמש]

ס'דא א קליפ פון הילד יו"ט שמחה ...אור אייניקל פון ר' יו"ט ערליך ווי ער זינגט אין קארלין אויפן ניגון וואס מ' זינגט ביי זיי אויף אתה נגלית

אריגינעל דער זיידע ..

גענומען אונזער ציבור
און געלערענט מיט אונז דעם ערשטען דיבור
אנכי ד'

דער עולם איז מכובד אהערצו ברענגען

[סטאוו יא פיטא]

ס'דא א קליפ פון הילד יו"ט שמחה ...אור אייניקל פון ר' יו"ט ערליך ווי ער זינגט אין קארלין אויפן ניגון וואס מ' זינגט ביי זיי אויף אתה נגלית

אריגינעל דער זיידע ..

גענומען אונזער ציבור
און געלערענט מיט אונז דעם ערשטען דיבור
אנכי ד'

דער עולם איז מכובד אהערצו ברענגען

https://www.dropbox.com/s/cnmdqrd9913k0 ... A.mp4?dl=0

דער ניגון האט מחבר געווען הרה"ק ר' יוחנן מסטאלין זי"ע

[farshlufen]

ווי ליגט ער?

הר הזיתים

[קלמן יעגער]

unnamed.jpg (143.84 KiB) געזען 1005 מאל

בינאיך נייגעריג אויב ס'איז דא עפעס חידושים. מהאט אים שוין באשריבן א שיינע פאר מאל אין די לעצטע יאר. לכאורה איבערגעקייט די זעלבע זאכן. העמיר ווארטן אויף שבת עז צו לייענען

[farshlufen]

איי איי די קאנטרע..

ר' יו"ט'ס יארצייט היינט.

[עימעקס]

געלערנט א משנה, יהא זכרו ברוך

ר' יום טוב שמחה בן ר' משה