יאסי גרין נייע אלבום - ניגוני ר' בעריש ווישאווער הי"ד

[צייטליך]

א גוט יאר חשובע ליינער אין היכל הנגינה. איך האב פאר אייך גוטע נייעס פון יוסי גרין. הערט און ליינט.

איך דארף ענק בכלל נישט פארשטעלן ווער יוסי גרין איז. איך גלייב אז איר אלע ווייסט ווער ער איז און וואס ער איז. דער וועלט בארימטער קאמפאוזער פון הונדערטער ניגונים אין די אידישע וועלט. אט האב איך אבער א אינטערסאנטער נייעס'ל פון אים וואס ס'וועט זיין אינטערסאנט פאר אלע אונזערע ליינער צוגלייך.

לאמיך אייך נישט אויפהאלטן. יוסי גרין האט זיך שוין אריבער א יאר צוריק אריינגעלייגט אין א פראדזשעקט ווי ער האט א תשוקה ארויסצוגעבן אלטע ניגונים פון ר' בעריש ווישאווער אויפן היינטיגען פארמאט. לויט זיין שטייגער.

ווי איך האב שוין געשריבן אין מיין אינטערוויו מיט יוסי א צייט צוריק, זאגט ער אייביג אז ער איז אויפגעוואקסן אינדערהיים מיט די ניגונים פון ר' בעריש'ן. (זיין ארגינעלער נאמען איז מוהר"ר דוב בעריש הלוי הוראוויץ ז"ל) ער האט נישט געהערט קיינעם פון די פרעמדע גאס אדער אנדערע קרייזן. ער איז אויפגעוואקסן בלויז מיט ר' בעריש'ן און אנדערע ניגונים פון עהרליכע יידן. די ניגונים האט ער געזונגען ביי זיין טאטען'ס שבת טיש און דאס זינגט ער נאך היינט. ער האט עפעס א גאר שטארקע תשוקה דערצו.

ער ארבעט שוין א שטיק צייט צוזאמצוקלויבן ניגונים פון אים. (אגב, עס איז שוין געווארן דערמאנט דא עטליכע מאל צווישן די שורות דערוועגן. אן אשכול וואס זיכט זיינע ניגונים איז שוין אויפגעמאכט געווארן דא אין היכל און אזוי אויך פארשידענע אנדערע ארבייט). און זייט וויסן, די ארבייט דערפון איז נישט קיין גרינגער. עס זענען פארהאן היינט אסאך ניגונים וועלעכע ווערן פאריפן אלץ ווישעווע ניגונים אבער זענען אין פאקט נישט זיינע ניגונים. אמאל איז עס אן אלטער סיגוט'ער ניגון. א ניגון פון ר' ליפא לויאש, אן אלטן וויזניץ'ער ניגון אא"וו. מענטשן מישן דאס צוזאם וויבאלד ר' בעריש האט געמאכט ניגונים פאר סיגוט, סאטמאר, וויזניץ און נאך פארשידענע חסידישע הויפן און מענטשן ווייסן נישט קיין אינטערשיד. און צומאל פארקערט איז דא ניגונים וועלעכע מען מיינט ארגינעל אז דאס קומט פון אנדערע פלעצער אבער אין פאקט איז דאס ר' בעריש'ס א ניגון.

אלזא, יוסי האט זיך אריינגעלייגט שטארק דעראין און קלויבט ניגונים נאר נאכ'ן מאכן קלאר אז דאס איז טאקע זיינס א ניגון, און דערנאך הערט ער אויס אלע ווערסיעס פונעם ניגון ביז ער קומט צו צי די ארגינעלער ווערסיע. בקיצור, ס'איז א גרויסער ארבייט.

למעשה איז יעצט אונטערגעקומען פאר יוסי א געלעגענהייט ארויסצוגעבן איין סינגל ניגון.

די מעשה איז אזוי: ווי ער דערציילט איז דא א אן אייניקעל פון ר' בעריש ווישעווער - וועלעכער איז געווען די שדכן ביי צוויי פון זיינע קינדער. יעצט מאכט א ברודער חתונה א טאכטער און יוסי האט אפגעמאכט צו שענקען איין ניגון אלץ דרשה געשאנק פון וועלעכע מיר אלע וועלן הנאה האבן.

דער חשוב'ער משגיח פון ישיבה תורה ודעת און רב פון בית המדרש אמונת ישראל, הרב ר' משה וואלפסאן שליט"א האט געזאגט וועגן דעם ענין אז "ר' בעריש ווישעווער זצוק"ל איז דאך באקאנט אין די וועלט מיט דעם וואס ער פלעגט מאכן ניגונים פאר אדמורים און אנשי מעשה איז אודאי אז זיינע ניגונים זענען א ירושה פאר זיינע אייניקלעך און זיי ארויס צוגעבן כדי יידן איבעראל זאלן קענען זינגען און נתעורר ווערן, איז א גרוסע זכות פאר זיין נשמה."

לכבוד די חתונה פון דעם הורוביץ אייניקעל גיט יוסי ארויס דעם ערשטן ניגון אלץ א סינגעל. דער נאמען פון די סינגעל אלבום איז "שבת מיט זיידי בעריש" און עס פארמאגט דער באקאנטער ניגון אויף די ווערטער "ברוך השם יום יום" וואס מיר אלע זינגען יעדן שבת מיטאג ביי די סעודה, עס איז געווארן היינט א וועלט'ס באקאנטער ניגון אויף ברוך השם יום יום.

די מוזיק איז אראנדזשירט געווארן דורך מענדי הערשקאוויטש פון פרייליך ארקעסטראו. יוסי איז מסביר אז פאר דעם ניגון קען ער נישט נעמען קיין משה לאופער, ישראל לאאם וכדו'. ער ברויך דערפאר א היימישער סאטמאר'ער אינגערמאן וואס קען די ניגונים פון אלץ קליין קינד און זינגט דיס אלץ זמירות אליין אין שטוב. מענדי וועלעכע וואוינט אין קרית יואל, א סאטמאר'ער אינגערמאן איז ספעציעל גוט דערצו.

די מוזיק באשטייט מער וווייניגער פון מענדי הערשקאוויטש, אקוסטיק פיאנאו און נחמן דרייער, אקוסטיק גיטאר, די ווישאווער פידלען און א זייער חשובער סולו פידל שפילער. יוסי זאגט אז עס פארמאגט די ווישאווער קווייער (איך ווייס נאכנישט וואס דאס מיינט, איך וועל ווארטן ביז עס קומט ארויס). די סאלאו אויף דעם ניגון איז דער באקאנטער חסידישער זינגער פון טורונטו, שלמה שמחה סופרין. און ווי ער זאגט איז ער געזיצן גאר אסאך צייט מיט מענדי אויף יעדן קאורד ארוס צוברענגען דעם זיסן טעם פון די הייליגע ניגונים, כדי ס'זאל ארויס קומען א דבר השלם.

וויבאלד עס זענען דא עטליכע ווערסיע'ס וויזאוי מענטשן זעצן די ווערטער אויף די ניגון, איז יוסי דערפאר געזיצן מיט עטליכע אידן און דאס דורכגעארבייט און לויט דעם ארויסגעקומען מיטן א פיינעל ווערסיע.

ווי דערמאנט איז דאס די ערשטע אין א סעריע פון ווישעווע ניגונים אויף וואס יוסי פלאנט ארויסצוקומען. ער פלאנט אי"ה ארויסצוקומען מיט אן אלבום און א בוך פון ר' בעריש ווישעווער. און וויפיל מיר ווייסן וועלן זיין אויף יעדען ניגון אנדערע סאלאו'ס, דייקא היימישע זינגער'ס און מיטן חסידיש'ן הברה.

מיר האפן אייך צו מעלדן ווען די זאך איז פארטיג און ברענגען די מתנה דא פארן עולם.

[צייטליך]

די קאווער.

[ווארום]

זייער פיינע נייעס, און שיינע קאווער.

קענסט מיר פארשטיין געבן איין דבר, אויפן קאווער שטייט ביים קעפל Yossi Green Vistory
וואס באדייט דאס?

[שמעלקא טויב]

ישר כוח ידידי צייטליך, ס'געוואלדיגע נייעס!

כ'זעה אז דער לע"נ איז פאר ר' בעריש'ס אייניקעל, כ'מיין אז ער איז אוועק אינג, און זיין זון איז דער בארימטער ראביי יאנקעל האראוויטץ פון מאנסי (נישט פון קאמיוניטי אוטריטש, זעה http://www.rabbihorowitz.com). ר' בעריש האט נעבעך פארלוירן אלעס אינעם ביטערן קריג, נאר איין קינד ר' יעקב משה וואס איז געקומען קיין סקרענטאן פא. פארן קריג האט איבערגעלעבט און פון אים איז געבליבן א שם ושאירת פון דעם חסיד מפורסם, חוץ זיינע פילע הייליגע ניגונים.

---

ס'איז אפשר נישט אינגאנצן אין פלאץ דא, אבער אז מ'רעדט שוין פון ר' בעריש ווישיווער, מיט א צייט צוריק זייענדיג אין סקרענטאן אויפ'ן ביה"ח האבעך גענומען בילדער פון זיין זון ר' יעקב משה'ס מציבה און נכדו ר' אהרן צבי בן ר' יעקב משה.

ר' יעקב משה איז געווען א שוחט און ער האט געדינט אלץ בעל תפילה אויף מוסף אין די הייליגע טעג, זייענדיג א שיינער בעל תפילה.

אינעם סקרענטאנער אשכול אין על הצדיקים רעדט מען שוין ארום פון אים.

יהא זכרו ברוך.

[צייטליך]

א גרויסן יישר כח שמעלקא פאר די אינהאלטרייכע אינפארמאציע. אדרבא אויב ווייסט איר מער קענט איר עס דא שרייבן. זאל דער עולם אין היכל הנגינה וויסן מער איבער אים און הנאה האבן.

[bailout]

א יישר כח צייטליך פאר די פרייליכע נייעס.

יוסי האט א לעגענדארע רעקארד פון צופרידן שטעלן זיין אוידיענץ אויפן שענסטן אופן, איז די פראגע נאר צו די אלבום וועט זיין צו באקומען ערגעץ ווי אין די געשעפטן, אדער דאס וועט זיין א פנימי.

און אז איך שרייב שוין וואלט איך געפרעגט אויב ר' בעריש זעלבסט האט עס אויפגעלייגט אויף ברוך ד' יום יום, אדער דאס איז געווען א חמול שטייגער וואס מען האט שפעטער ארויפגעלייגט.

[צייטליך]

און אז איך שרייב שוין וואלט איך געפרעגט אויב ר' בעריש זעלבסט האט עס אויפגעלייגט אויף ברוך ד' יום יום, אדער דאס איז געווען א חמול שטייגער וואס מען האט שפעטער ארויפגעלייגט.

א שטיק צייט צוריק האב איך געהערט אז הרב אורי שווארץ פון קרית יואל האט דאס ארויפגעלייגט אויף די ווערטער עטליכע דרייסיג יאר צוריק אין סאטמאר'ער אינגל קעמפ. אבער ר' יענקל אונגאר האט מיר געזאגט אז דאס קען נישט זיין ווייל ער קען דאס שוין אזוי פון אלץ אינגל און ער איז אין סאטמאר אינגל קעמפ קיינמאל נישט געגאנגען.

די סידי וועט זיין צו באקומען אי"ה פארן פובליק.

[קרעמער]

זייער פיינע נייעס, און שיינע קאווער.

קענסט מיר פארשטיין געבן איין דבר, אויפן קאווער שטייט ביים קעפל Yossi Green Vistory
וואס באדייט דאס?

דאס ווארט האט גאר אן אינטערסאנטע באדייט:
A friendship between two or more people in which the friends are very similar in tastes and can talk for hours about anything, usually well into the night and early morning hours, foregoing literally all sleep to spend time with their vistorical friends.

[על המחיה]

לינק אראפגענומען - דער בעה"ב גיט נישט קיין רשות דאס ארויסצוגעבן פריי אויף די גאס. ביטע שיקט דאס נישט ווייטער.

צייטליך

[elmonsey]

יוסי האט עס געשיקט צי שי קאהן(דורך מיר)יעצט איז די ניגון אוועיליבעל צי הערן דא http://www.bhol.co.il/news_read.asp?id=19821&cat_id=25

ווי אויך גייט יוסי גרין האבן א קומזיץ ביי רדיו קול חי יוסי גיל ציזאמען מיט יוסי איזנטל

[קעש פאר קלאנקערס]

להוי ידוע! די ניגון איז ארויף געלייגט געווארן אויף בחדרי חרדים אן די רשות פון די בעה"ב. ווער עס קען זאל עס ביטע אראפ נעמען

[elmonsey]

די בעל הבית איז יוסי גרין ניין? ער האט געשיקט צי "ישראל חבר" 3 קאפיעס

[קעש פאר קלאנקערס]

ער האט געשיקט 3 קאפיס מיט דיך אז דו זאלסט עס געבן פאר 3 DJ חברה אין ישראל, און נישט ארויף צו לייגן אויפ'ן נעט. אבער למעשה אז מ'קען עס נישט דאונלאודן - מאר הערן - איז עס נישט קיין פראבלעם.

[elmonsey]

ער האט געשיקט 3 קאפיס מיט דיך אז דו זאלסט עס געבן פאר 3 DJ חברה אין ישראל, און נישט ארויף צו לייגן אויפ'ן נעט. אבער למעשה אז מ'קען עס נישט דאונלאודן - מאר הערן - איז עס נישט קיין פראבלעם.

ער האט געשיקט אלע 3 פאר די זעלבע מענטש אז ער זאל עס האבן אין דארפן מאכען קאפיעס פין דעם(געהערט פין יוסי גרין אליינס)שי פלאנט צי געבן איינס פאר יוסי גיל די אנדערע 2 בלייבט אין רדיו קול חי

[צייטליך]

ער האט געשיקט 3 קאפיס מיט דיך אז דו זאלסט עס געבן פאר 3 DJ חברה אין ישראל, און נישט ארויף צו לייגן אויפ'ן נעט. אבער למעשה אז מ'קען עס נישט דאונלאודן - מאר הערן - איז עס נישט קיין פראבלעם.

ער האט געשיקט אלע 3 פאר די זעלבע מענטש אז ער זאל עס האבן אין דארפן מאכען קאפיעס פין דעם(געהערט פין יוסי גרין אליינס)שי פלאנט צי געבן איינס פאר יוסי גיל די אנדערע 2 בלייבט אין רדיו קול חי

אויפן ראדיו אז מ'הערט עס האט ער נישט קיין פראבלעם. ער וויל נישט אז מ'זאל עס דאונלאודן. פשוט הערן איז קיין פראבלעם. אדרבא.

[ישראל_חבר]

סי איז מיר שווער צו שרייבן אוף אידיש.

אלי מונסי האט מיר באוויזין וואס מיהאט דא געשריבן אין איך האב מיר געשפירט אז איך מיז פארהענטפערן.

איך האב גיעהרט וועגן דאס ניגון , און פאר א-פאר יאהר האב איך גיהערט פון יוסי גרין וועגן ר' בעריש און איך האב זיך געבהייטן ביי יוסי זאל מיר שיקין...

איך האב נישט געווסט אדער פארשטאנען פון יוסי אז מי וויל נישט מיזאל העס לאזן הערן איבראל.

אזוי ווי מיהאט שויין גיזאגט דא סי איז נאר אויף צו הערן און נישט חלילה מיזאל העס קענען ארופ נעמען.

איך האב גמיינט באמת נאר לטובה און איך בעהט זיך איבער אויב מיהאט גיהאט דער פון א-עגמת נפש.

[יצמחפורקניה]

איך האב געהערט פון א מקור מוסמך, אז:

1. דער דיסק גייט האבען 8 ניגונים.

2. צווישען די ניגונים גייט אויך זיין דער "נענועים ניגון" פונעם רבי'ן דער דברי יואל זי"ע

3. אז בערך נאר א יאר גייט עס ארויס (איך האף אז ס'וועט האבן קפיצת הדרך)

[שמערי בערי]

אבער למעשה אז מ'קען עס נישט דאונלאודן - נאר הערן - איז עס נישט קיין פראבלעם.

מ'קען היינט צוטאג אלעס דאונלאודן... ודי.

[צים פינטעל]

קען מען שוין קויפן די סידי?
אויב יא, ווי?

[שלמי]

פונקט צום יאר, הא?
געכאפט ביים ווארט.

וואס טוט זיך טאקע דערמיט?

[elmonsey]

יוסי האלט יעצט אינמיטן ארבעטן אויף די צוויטע ניגון

[צים פינטעל]

ווען טראכט ער צו זיין אינדרויסן?

[אךשמח]

ווען טראכט ער צו זיין אינדרויסן?

לויטן חשבון בערך 7-8 יאר ארום...

[פארדינט]

געכאפט א שמועס מיט מענדי הערשקאוויטש, זאגט ער אז אויב דער עולם וועט עס פארלאנגען קען מען רעדן פון ארויסגעבן נאך, ער ווארט צי הערן פונעם עולם.

[צים פינטעל]

זאג אים אז דער עולם ווארט בכליון ענים