כהאב שוין געזאגט דא מיין מיינונג איבער דעם גליון, ולא אכפיל.Kosher Travel האט געשריבן:"אונזערע" היימיש חסידישע קאמיוניטי איז געווארן אינגאנצן משוגע. נישט סתם, נאר אינגאנצן משוגע, ציפליקט פאריקט. אויף תולה ארץ.
און דאס אלעס, אין בלויז ווייניגער ווי צוואנציג יאר.
פון א שטריימעל וואס מעג אפשר קאסטן א טויזענטער, איז געווארן א קרוין (פארשטייט זיך "נאר" לכבוד שבת), וואס קאסט 6 אלפים. מיט שפיצן, ווייסע האר און וואס נישט.
אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די שטריימל... מילא.
שוין... קומען גרויסע טאטעס אין שוהל מיט טייטץ. נישט קיין שמאלע הויזן, נאר טייטץ. חוזק שבחוזק. נישט קינדער (וואס דארט איז אויך א גרויל), נאר גרויסע טאטעס. און עס שטעקן זיך ארויס די העפי סאקס מיט אלע קאלערס. אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די הויזן... מילא.
און וויל נישט אריינגיין אין די נושא פון שטיילעך, ווייל דאן קוק איך שוין ווי מען דארף נישט, און איך האק אין די וועלט אריין. אבער איעדער ווייסט אז די היינטיגע "נארמאלע" איידעלערע שייטלעך איז פשוט נישט אויסגעהאלטן על פי הלכה. און אזוי האלטן אלע רבנים. אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די שייטלעך... מילא.
שוין... קומט ב"ה א שמחה, געהאט א בן זכר. דארף מען מאכן א וואכנאכט... אמאל האט א בעל שמחה זיך געפרייט און מען האט אנגעגערייט א טאץ קוגל, אביסעלע געפילטע פיש מיט די מייערן ארויפגעלייט מיט אביסעלע נאש, די זיידעס האבן זיך געוואשן און עס איז באמת געווען א אידישע שמחה. היינט איז שוין איינגעריסן אז מען מאכט וואכנאכט אין זאלן... און יא, מען מעג. אפשר קען נישט די קימפעטארן אנגרייטן, וכו'. אבער געוואלד הייליגע באשעפער, וויאזוי זאלן די עמך אידן מיט די כולל אינגעלייט מיטהאלטן די משוגעת'ן וואס מען מיינט שוין אז אזוי קומט עס? אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די אויפגעריסענע וואכנאכטס... מילא.
שוין... שואלי גייט צום דינער... מען טאר נישט חוזק מאכן, אבער אמאל האט מען געזעצט רבנים אויפן אויבן אן און מען האט מכבד געווען רבנים מיט די לומדים פון די הייליגע תורה. היינט א דינער איז איין שטיק ענטערטעינמעט. און יא, מען מעג און מען דארף ברענגן גוטע דרשנים, און אפילו בדחנים. אבער מוז עס זיין איין שטיק גשמיות... אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די דינערס... מילא.
איך האב נישט איצט די צייט איבערגיין אלע מעשגיענע זאכן מיט טוען. אבער אין די לעצטע 20 יאר זענען מיר געווארן פאריקט און משוגע. מען דארף האבן ניין דעי מעניוס. יא, מען מעג עסען פיינע געזונטע מילכיגע סאפערס אין די ניין טעג. אבער מוז מען "סעלעברעיטען" די ניין דעיס? אבער ח"ו האקן. איז דאס דען די פראבלעם פונעם דור? האסט שוין נישט עפעס בעסערס וואס מעורר זיין???? גערעכט. נאר די ניין דעי מעניוס... מילא.
מיט 10 יאר צירוק זענען געווען עדס פאר קליידער פארן עזרת נשים. יא, G&G האט עדווערטייזט סעילס פאר מענער קליידער, אבער מיט א נארמאלע טעם. היינט איז דא פול פעידז עדס פאר מענער קליידער פאר אלעס מיט אלעמען. זאקן, העמעדער מיט קאפלינקס, שיך, סוועטערס, און וואס נישט. און יא, מען מעג עדווערטייזן קליידער פאר מענער. אבער די גאנצע וועג וויאזוי עס איז געווארן, ממש סטיילס פאר מענער. פאריקט אלל די וועי.
איך בין נישט קיין פארפרומטער, איך עס אויך גענוג און נאך אין פרעסטעראנטען, מיט משפחה און מיט ביזנעס עסאוסיעיטס. אבער איך דערקען נישט מיין קאמיוניטי. און אויב קומט מען מעורר זיין, זענען די מעוררים די משוגעים. די קיעלע ענד האורסי טלית זעקלעך פארן חתן וואס קאסט אלפים איז נארמאל, און מען מיינט דאך פשוט פאר זיכער נאר צו מחבב זיין די מצוה. די וואס זענען מעורר, זיי זענען די משוגעים און ווייסן נישט וואס זיי ווילען.
און א איד וואס האט געלט, כברכת השם אשר נתן לו, מען זיך מער ערלויבן. און ער מעג יא קויפן א קיעלע ענד הארסי טלית בייטל. די פראבלעם איז אבער יא מיט די מארקעטינג, און וויאזוי מען לייגט אלעס אראפ כאילו this is the norm. אזוי טוט מען. און מען לייגט אריין נייע השגות ביי אונז מיט אלע פארבן, אז מען קען זיך דאכטן אז אזוי טוט מען שוין זיין מתן תורה. אלעס איז פיין, אלעס איז וואויל. מען מעג און מען דארף קויפן בלומען פאר די בני בית לכבוד שבת. אבער די גאנצע נייע קולטור ביי אונזערע חסידישע עולם טויג נישט. אלעס איז געווארן איין שטיק גשמיות.
אבער דיינע ווערטער זענען גין גאלד און ריכטיג, רעגארדלעס.