ווייס איך נישט צו ס'איז א טייפא אדער ס' גייט אריין אינעם כלל פון "על טעם וריח אין להתווכח". מיר און אנדערע טראגט די נאטיצן וואס הרה"ג ר' משה מנחם זי"ע האט זיך אפגעשריבן און ווערט איצט צום ערשטן מאל איבערגעבן א גרויס חשיבות און ס'איז העכסט אינטערסאנט.זילבערווערק האט געשריבן:פיר פונקטן:
1. הערליכע שמועס געווען פון מ. בערגער (אן אמת'ע נאמען?) מיט ר' יקיר ברוין, ס'איז געווען גרויס בכמות ובאיכות, כ'האב נישט געקענט אפשטעלן פון עס ליינען אין איין צי ביזן סוף.
2. הרב אלימלך שטערן (א.לי.קעניג) איז קלאר אריינגעקומען איבער די גאנצע נושא פון אגודה מיט דגל, שטארק, זיס און צום דבר. (כ'וואלט דא אראפגעברענגט איין שטיקל, אבער כ'דארף געדענקען צו מאכן א בילד דערפון).
3. תורה אפטיילונג האב איך שטארק הנאה געהאט, ספעציעל פון די ארטיקלען אויפן נאסוידער רב, סיי די מלוה מלכה מעשיות און בעיקר פון דער 'שנות דור ודור' סעריע, ס'איז מיר נאר געבליבן א פראגע צייכן צי מ'שרייבט נאסאד אדער נאסויד?
4. ר' לייבעלע קארפנ'ס זכרונות שוין צום וויפלטן וואך זענען ווי אייביג א ווערדפולער אוצר, ס'איז מיר פונקט אויסגעקומען צו שמועסן מיט א חשוב'ער אייניקל זיינס וואס האט דאס שטארק באוואונדערט.
דאס איז שוין די צווייטע וואך איך האב גאר שטארק הנאה געהאט.
די בריוו וואס ער האט געשיקט צו זיין שוואגער ר' בעריש קאהן ווארפט א ליכט סיי וויאזוי די אידן האבן דעמאלטס אנגעקוקט די רבינס מלחמה מיט די אידישע וועלט ווי ער שרייבט דארט פאר ר' בעריש אז ער זאל נישט מיינען אז נאר אין אנטווערפן הערט מען וואס מען טאר נישט נאר אפילו דא ביי אונז הערשט א געוואלדיגע בלבול המוחות. און סיי אויף וואספארא סארט איד דער דיין זצ"ל איז געווען אין יענע יארן.
אינטערעסאנט ווי ער זאגט אים אז ער גייט שאפן די טעיפס פון רק חיים זאב מאנן (ע"ה), ר מרדכי שטויבער שרייבט אין זיינע ביכלעך אז ווען די טעיפס זענען אנגעקומען קיין אנטוורפן זענען זיך צוזאם געקומען אין איין הויז דער גאב"ד ר' יצחק טוביה, ר' חיים קרייזווירטה און אין געדענק נישט דער דריטער רב, זיי האבן דאס צוזאמען אויסגעהערט וועלנדיג פארשטיין דעם רבינס מהלך המחשבה און הייליגע השקפה אין די שווערע צומישטע זמנים.
עכ"פ, ר' משה מנחם'ס באשרייבונג איז העכסט אינטערסאנט.
זיין יארצייט די וואך, זאל ער זיין א גוטע בעטער.
