אייוועלט קאמפאזיטאר פארמעסט #2

[גרויסע פראפעסאר]

נא צום צווייטע פארמעסט וואס וועט זיך ענדיגן אי"ה נעקסטע וואך מאנטאג אינדערפרי.
דאס מאל וועט זיין נאר איין געווינער פון 5 ניגונים!
די שופטים דאס מאל זענען @א גרויסע פראפעסאר @נאר מיט שמחה און @כינור
די עולם קען דאס מאל וועלן נאר איינס פון צווישן די פאלגענדע ניגונים:
זכרינו
ונצעק
תניא
השתדלות
עיני השם
מיט הצלחה!!

[וואלד]

"תניא" איז פשוט א WOW WOW פון א ניגון!!!

עס קען נוצן אביסל תיקונים דא דארט, אבער בעצם ווייס איך נישט פארוואס די ניגון געפינט זיך נישט אויף א אלבוים!

איז ער נישט די זעלבער קאמפאוזער וואס האט געמאכט "השתדלות"? (אדער נאר די זעלבע זינגער)

אויך גאר א גוטער ניגון!! ממש א שלימות!!

דער איז א פיינער קאמפאוזער!

נישט געווען אפילו נאנט צו דעם פאריגע וואך.

[בלינצע]

איך קען דעם בעל התניא, ער איז נישט דער זעלבער קאומפאוזער פון השתדלות. די סיבה פארוואס "תניא" איז נאכנישט אויף אלבוים איז ווייל ער האט נאכנישט געמאכט גענוג "השתדלות"... [איך האב שוין געהערט דעם ניגון לכה"פ 15 יאר צירוק]

[וואלד]

איך קען דעם בעל התניא, ער איז נישט דער זעלבער קאומפאוזער פון השתדלות. די סיבה פארוואס "תניא" איז נאכנישט אויף אלבוים איז ווייל ער האט נאכנישט געמאכט גענוג "השתדלות"...

אבער די זינגער איז זיכער די זעלבע.

[הלבלר בקולמסו]

.

[קומפוזער]

איך קען דעם בעל התניא, ער איז נישט דער זעלבער קאומפאוזער פון השתדלות. די סיבה פארוואס "תניא" איז נאכנישט אויף אלבוים איז ווייל ער האט נאכנישט געמאכט גענוג "השתדלות"...

אבער די זינגער איז זיכער די זעלבע.

Not the same singer

[פעיק ניוז]

איז דער תניא זינגער נישט דער זינגער 'האלפערט' צופעליג?

[פעיק ניוז]

זייער שיין דער תניא ניגון.

דער השתדלות ניגון איז אויך שיין.

[וואלד]

איך קען דעם בעל התניא, ער איז נישט דער זעלבער קאומפאוזער פון השתדלות. די סיבה פארוואס "תניא" איז נאכנישט אויף אלבוים איז ווייל ער האט נאכנישט געמאכט גענוג "השתדלות"...

אבער די זינגער איז זיכער די זעלבע.

Not the same singer

אמת, איבערגעהערט, עס איז טאקע נישט די זעלבע.

[א פיפטער]

איך קען דעם בעל התניא, [איך האב שוין געהערט דעם ניגון לכה"פ 15 יאר צירוק]

הייסט ער האט עס פארפאסט נאך פאר די תניא איז ארויף אויף שלום לעממערס אלבום?

[מיט הצלחה]

נא צום צווייטע פארמעסט וואס וועט זיך ענדיגן אי"ה נעקסטע וואך מאנטאג אינדערפרי.
דאס מאל וועט זיין נאר איין געווינער פון 5 ניגונים!
די שופטים דאס מאל זענען @א גרויסע פראפעסאר @נאר מיט שמחה און @כינור
די עולם קען דאס מאל וועלן נאר איינס פון צווישן די פאלגענדע ניגונים:
זכרינו
ונצעק
תניא
השתדלות
עיני השם
מיט הצלחה!!

נעקסט טיים פרעג מיך פארן ניצן מיין ניק

[בלינצע]

איך קען דעם בעל התניא, [איך האב שוין געהערט דעם ניגון לכה"פ 15 יאר צירוק]

הייסט ער האט עס פארפאסט נאך פאר די תניא איז ארויף אויף שלום לעממערס אלבום?

יא, אסאך יארן פארדעם.

[קומפוזער]

צו דער בעל ה"השתדלות"
גאר א שיינע ניגון!
אבער איין הערה נאר....
"די טוה נאר א 'ביסל' השתדלות וועט דער ה' צופירן אלעס"
פוו נאר אביסל??
מעדארף טוהן אסאך (אין רוחניית עכ"פ) וויפיל מקען נישט נאר אביסל...

[דער הימלישע איד]

צו דער בעל ה"השתדלות"
גאר א שיינע ניגון!
אבער איין הערה נאר....
"די טוה נאר א 'ביסל' השתדלות וועט דער ה' צופירן אלעס"
פוו נאר אביסל??
מעדארף טוהן אסאך (אין רוחניית עכ"פ) וויפיל מקען נישט נאר אביסל...

ער מיינט מסתם דער פתחו לי פתח.

[עכט היימיש]

דער תניא ניגון איז מאסיוו! איך קען גראדע פרעזענליך דעם מחבר, א בארימטע תלמוד חכם ומזכה את הרבים, און ער האט שוין חוץ דער ניגון מחבר געווען נאך אסאך הערליכע ניגונים וואס ווערט געזינגען אין פילע אידישע שטיבער און בחצרות האדמורי"ם.

[פעיק ניוז]

צו דער בעל ה"השתדלות"
גאר א שיינע ניגון!
אבער איין הערה נאר....
"די טוה נאר א 'ביסל' השתדלות וועט דער ה' צופירן אלעס"
פוו נאר אביסל??
מעדארף טוהן אסאך (אין רוחניית עכ"פ) וויפיל מקען נישט נאר אביסל...

און וואס טוט זיך מיט 'פתחו לי פתח כחודו של מחט'?

[קומפוזער]

דער תניא ניגון איז מאסיוו! איך קען גראדע פרעזענליך דעם מחבר, א בארימטע תלמוד חכם ומזכה את הרבים, און ער האט שוין חוץ דער ניגון מחבר געווען נאך אסאך הערליכע ניגונים וואס ווערט געזינגען אין פילע אידישע שטיבער און בחצרות האדמורי"ם.

אויב איז ער אזא באקאנטע קאומפוזער... אפשר מעג מען וויסען ווער דאס איז?

[גרינוויל תושב]

אפשר עפענט מען מיט נעטפרי אלע לינק'ס פון די ניגונים?
איך האב דורך נעטפרי נאר געקענט עפענען, השתדלות און עיני השם.

[וועלוועלע]

גרויסע פראפעסער, פון ווי האסטו געשאפט די ניגונים?!
ס'מורא'דיג!!!
יעדע ניגון איינס ביי איינס עקסטער הערליך!!!

[ירח בן יומו]

גרויסע פראפעסער, פון ווי האסטו געשאפט די ניגונים?!
ס'מורא'דיג!!!
יעדע ניגון איינס ביי איינס עקסטער הערליך!!!

איך ווייס נישט פארוואס, אבער איך האב גאהר א שטארקע פילינג, אז ער האט עס באקומען פון אינגערלייט אויף אייוועלט!

[וועלוועלע]

גרויסע פראפעסער, פון ווי האסטו געשאפט די ניגונים?!
ס'מורא'דיג!!!
יעדע ניגון איינס ביי איינס עקסטער הערליך!!!

איך ווייס נישט פארוואס, אבער איך האב גאהר א שטארקע פילינג, אז ער האט עס באקומען פון אינגערלייט אויף אייוועלט!

פונקט דער פילינג האב איך אויך געהאט!!!
[align=center] [/align]

[גרויסע פראפעסאר]

מיר גייען משפט'ן די ניגונים דורך א נייעם אויפן יעדע שופט גייט געבן זיין נומבער פון 1 ביז 10 פאר יעדע ניגון און מ'גייט זען וועלכע ניגון באקומט די מערסטע וואוטס פון די 3 שופטים!

[גרויסע פראפעסאר]

ערשט @כינור

בס"ד

1. זכרינו
דו ביסט א פראמיסינג טאלאנט. דו האסט דעם אייגנשאפט צו מאכן ניגונים. עס דערקענט זיך דיין מוזיקאלישקייט. אין ערשטן פאל אבער פרובירסטו זיין אביסל צו מוזיקאליש. און מ'ברויך געדענקן אז שכל איז צומאל די גרעסטע פיינט פונעם קאמפאזיטאר. מען דארף זעהן צו לאזן די הארץ רעדן.

די גאנצע געדאנק פון א ניגון איז אז עס זאל בארירן די געפילן. אבער א ניגון געבויעט כולו שכל קען צומאל הארגענען די רגש. זארג נישט, עס מאכט זיך ביי די שענסטע נעמען אז זיי ווערן פארגלייזט אין שכל און די רגש ווערט דערשטיקט.

אין ערשטן פאל ביז פאר משמי קדם פארסטו גוט. ווי א פראפעסיאנאל. דערנאך וואלט איך משנה געווען. די הויכע פאל איז פערפעקט אבער איך שפיר נישט די ציפ ווי ביי די ניגון תניא.

די ניגון אוועראלל איז גוט געבויט, איך וואלט משנה געווען א טראפ דא דארט אבער אוועראלל איז די ניגון א 8.

2. ונצעק

הער איך דא דעם Orchestral Ballad פון Korg. מאך נאך ניגונים. די ערשטע פאל האט שיינע געדאנקען! די הויעכע פאל איז נישט שלעכט אבער האט א ניצוץ פון 4 ניגונים. אוועראלל איז די ניגון א 7. די אינטרא איז שיין.

3. תניא

די אריינפיר איז שיין אבער נישט צו ניי. איך האב ליב דעם קאורד ביי בדרך. איך האב זייער ליב ווי אזוי די ערשטע פאל ענדיגט זיך. טאלאנט! פינקי'דיג. די הויעכע פאל איז פיין! חוץ ביי ושרפתי את היכלי קען מען דן זיין. עכ"פ די טרענזישאן איז נישט סמוד. כ'האב זייער הנאה געהאט פון די ניגון. מ'שפירט די הארץ. ווער זינגט אין די קווייער דערנאך משה קרויס? די ניגון איז א 9.

4. השתדלות

די אריינפיר איז גוט. די ערשטע פאל איז פיין. די הויעכע פאל דארף הילף. נאך עתה בידך פאר ווייטער! נישט נאכאמאל די זעלבע זאך. די ניגון איז א 8. דו ביסט טאלאנטפול און מאך נאך סחורה.

5. עיני השם

א שאד אז ס'איז אזוי אומקלאר. עפעס הער איך נישט די ביעט קלאר. די ניגון איז א פיינע כאטש ס'שפירט אביסל ארויס פון ארבל. די ניגון כשלעצמו איז לדעתי גוט געבויט. אוועראלל א 7.

[וואלד]

@כינור!

ביסט א פאזעטיווער!

[גרויסע פראפעסאר]

@נאר מיט שמחה

בס"ד

מי אנוכי, ווער בינעך וואס בינעך???
אבער אז 'אמר משה' – ר' משה שטיין דער גרויסער פראפאסאר אליין האט מיר געצווינגען, בין איך געצווינגען געווארן...

וזאת למודעי, איך זאג נאר חוות דעתי הקטנה והצנועה והפיצי והגארנישט! קיינער זאל דאס נישט נעמען צום הארצן, נאר ווער ס'וויל ליינען צו שטופן די צייט זאל ליינען און שטופן די צייט...

געמיינט האב איך געמיינט אז ס'גייען אריינקומען אפאר טשיקי גארנישט-ניגונים, פון 'קאמפאזערס' וואס זייער מאמע האט זיי 'אליינס' צוגעזאגט אז זיי פאקן איין יאסי גרין...
אבער נישטא וואס צו זאגן, די אלע ניגונים זענען באמבעס! אלע 5 זענען ראויים לעלות על שולחן סטודיאס, און פארשעמען אפי' צענדליגע היינטיגע ניגונים...

לאמיר נישט מאריך זיין, נאר פוינטן צום צוגיין...

"אמר משה"
אקעי, דער זינגער שמירט אריין א באנדזש שוחד... זוי געשמאק... ווער איזער?
לאמיר צוגיין צום ניגון...

די ווערטער איז א חידוש, ניי פריש און חדש.
די פתיחה-חזנות איז לדעתי די שטערקסטע טייל.
די ערשטע פאל פארט אנדערש ווי געראכטן. דערמאנט אביסל פונעם 'תוספות' ניגון פון מאטי אילאוויטש.
צווייטע קען דערמאנען נאך ניגונים, אבער די תנועות איז נישט די פוינט דא. די ווערטער איז גוט געזעצט, כאטש די תנועה איז גאנץ פשוט.
דריטע פאל איז שוין מער געבויעט און ניי.
יעדע פאל פאר זיך איז אביסל פשטות, אבער אינאיינעם איז עס א שיינער בנין, כ'מיין אפי' א שלימות'דיגער ניגון.
אבער נישטא וואס צו זאגן, ס'איז געשמאק צו הערן, און אפי' זינגען. די ווערטער 'דו מאך נאר! אביסעלע השתדלות! וגו' זינגצעך דאך אזוי באטעמ'ט...

נו, זינגץ ווייטער, דו מאך נאר! אביסעלע השדלות!

וויפל געב איך פאר דעם פרעגסטע?
לאמיר זאגן, יעצט אויפן מינוט: 17

ונצעק
דער זינגער זינגט זיס... ער האט א נשמה פון א קאמפאוזער, און שטארקע שאיפות... א שמעק פון אפרים מארקאוויטש...

ערשטע פאל איז געבויעט, ניי.
אויבערשטע פאל איז א 'ונצעק' געשריי, וואס דאס האט לכאו' דער קאמפאוזער געוואלט ארויסברענגען, די באקאנטע ונצעק סגולה.

איין זאך באדערט פאר עניות דעתי, פון 'וירא את ענינו' שפירט מען שוין אביסל באררינג מיטן ונצעק. חוץ פון וואס ס'קומט שוין נישט אריין, מ'איז שוין געהאלפן, וירא את ענינו. ס'וואלט געדארפט גיין 'וירא את ענינו, אוי ואת לחצנו, ונצעק אל ה' אלוקינו'. עפעס אזוי, ווען ס'פארט ארויף מער מיט קרעכצעדיג.
אבער אפשר בין איך נישט גערעכט. זוי שפיר איך.

די אידישע ווערטער איז שיין אבער ס'האט מיר נישט געכאפט, 'שווערער פון שווער' איז שיין.

זכרנו
לכאו' דער זעלבער פערזאן פון ונצעק. די זיסקייט איז אבער נאך זיסער...

ערשטע פאל: די אראפצו פון 'משמי קדם' איז דאך מתוק מדבש.. א חידוש.
צווייטע: ס'הייבט אן גוט, אבער וואס האט ער מורא צו ארויפציהען ביי 'וישראל עבדך', אבער ס'ווייטער גוט געבויעט.
זהו? פארטיג דעם ניגון? צו שנעל...

א גוטער ניגון! ערשטע פאל איז די פוינט, משמי קדם איז משמי קדם... אינאיינעם מיט די קאורד וואס באגלייטעס...

עיני
דער זינגער/קאמפאוזער זעהט אויס א פארחנאקטער יונגערמאן מיט שווארצע ברילן וואס טרייעט צו זינגען א יצחק פוקס ניגון (נישט ממש, אבער כאפסט די פוינט...) מיט א חסידישן קאך...
אנפאנג דארף מען כאפן וואס וויל ער דא, אבער ווען מ'כאפט כאפט מען...
ערשטע פאל איז נופת צופים (מתוק מדבש איז שוין אויסגעכאפט...). די 'צעקו וה' שמע' פארט ער אזוי פארדרייט אז ס'גייט נישט ארויס פון מיין קאפ, געוואלדיג!
צווייטע איז אויך גוט געבויעט, אבער קעגן די ערשטע פאל איז עס צו פשוט... אבער די יא בא בא בייי איז משלים די פרישקייט...
אויך ליב געהאט דעם ניגון, בפרט די ערשטע פאל. און די 'מיוזיק' איז אינטרעסאנט...

תניא
וויפל מאל כ'הער איבער דעם ניגון ווערט עס נאר שענער, א סימן פון א שלימות'דיגע חידוש.
דער זינגער איז ר' משה פון אמר משה? זינגט אויך געוואלדיג. א געמישעכטץ פון שמעי ענגל מיט... שוין, לאמיר הערן.

ווערטער זענען נישט ניי, די פראגע איז ווער פון די צווילינג איז עלטער... אבער די מהלך איז יא א חידוש און א אנדערע סטייל. לעמער'ס איז מער א יצירה, דאס איז א רגש ניגון אבער די געבוי פון די זעצן די ווערטער איז יצירה'דיג.
איך פרוביר צו פיגורן ווי וואלט איך אנגעקוקט דעם ניגון ווען ס'וועלט געווען ס'ערשטע מאל אויף די ווערטער... ס'גייט מיר נישט דערווייל...

די אינטרא איז הערליך.
ערשטע פאל איז א חידוש, די ווערטער זענען גאנץ געשמירט אבער נאכן הערן עטליכע מאל קומט מען צו צום טעם, בפרט אז דער זינגער זינגטעך אזוי זיך.
הויעכע פאל איז א 'אויייי', אוי ווי געשמאק... די 'אוי' מאכט די זאך, פירוש המילות.
ביז'ן אוי איז א שלימות און א חידוש, ס'פארט אראפ און דאן צוריק ארויף צום אוי.

איין הערה וואס כ'וואלט געוואלט וואלטן, די זאך אפשטעלן פאר 'והגליתי את בני' פאדערט אז די שטיקל פון והגליתי זאל זיין מער שטערקער, מיט א שטיקעלע קרעכץ. מ'אטעמט טיף אריין געווענליך פאר ס'קומט א זעץ...
לעניות דעתי בלבד, שטייצעך. נאך וואס כ'אב געזוכט מיט ליכט עפעס א בובו...

לענינינינינינו:
למעשה, כ'ווייס באמת נישט וויפל צו געבן. איי לאוו יעדע ניגון דא...
און וויסן זאלט עטס וויסן קאמפאוזערס, אז עטס זענטס קאמפאוזערס, ס'נישט אבי איינגערעטע וואס ווילן מאכן ניגונים... עטס זענטס גוט! עץ דארפץ דאס וויסן... געבטץ ארויס נאך סחורה...
מ'פלאגט זיך צו קאמפאוזן א ניגון, מ'נעמט אראפ א האלבע מאסקע און מ'מאכט די ריכטיגע שריט און מ'שיקט עס אריין, דארף דארף איך קומען און געבן פאר איינעם א 9'ער? ס'מאכט סענס?? כ'מיין עס ערנסט... אבער אז כ'וועל מוזן וועל איך ווארפן א נאמבער לויט די שמעק און גיסטע וואס כ'געפין זיך עס, און דער וואס וועט באקומען די שוואכסטע זאל וויסן אז כ'האב א היפך דעת בעלי בתים אין נגינה, און כ'האב ליב די שוואכערע מער ווי די בעסערע...

אזוי ווי אלע ניגונים דא זענען טויזנטערס, און וואוטן מוז מען שטימען, וועל איך צום ערשט אראפלייגן פאר יעדן א גלאטע פרישע קאכעדיגע טויזנטער, ארומגענומען מיט א ים פון לעכטיגע סמיילי'ס.. די נאמבערס וואס גייט שטיין נעבן יעדן ניגון איז פון דארט און העכער...

שוין, גענוג געדבר'עט, געוואוט און געגאנגען...
אמר משה – 7.5
ונצעק – 8.3
זכרנו – 9
עיני – 9.2
תניא – 9.9