פאלעסיידס האט געשריבן:סא דיין תירוץ ווען מרעדט פון א צווייטע כוואליע איז זיי ווייסען נישט? סווענט זיך?
די ערשטע זאך פארשטייט זיך איז תפילה לקל חי! ער מאכט אלעס, ער פירט אלעס, און ווי מען זאגט אין די תפילה פון די תפארת שלמה? רבש'ע ידעתי כי הנני בידך וכו'.
א צווייטע כוואליע קען זיין אויף צוויי וועגן:
די ערשטע וועג איז ווען די מגיפה געט א ווידער-אויפבלי נאך איידער איז איז אינגאנצן פארשווינדן.
די שאנסן עס זאל ווידער אויפבליען, אויב מען געט זיך נישט אכטונג און מפטירין כדאתמול, דאן וויל איך נישט תפתח פה'ן ח''ו
אבער אויב מען האלט אפילו מינימאלע נארמאלע היגיענישע הנהגות, ווי נישט ניצן האנטוכער, נישט אנהיסן אויף מענטשן, נישט טינקען ביים רבין'ס שלש סעודות אין איין קליינע טעלער 15 מענטשן, זיין אביסל מער מענטשליך, וואשן מיט זייף ווען מען קומט אריין אין שטוב, (נישט פוצן די נאז אין מקוה בור אריין....), דאן קען עס זיין סאך מילדער.
די סארט כוואליע, האט א גוטע פונקט, אז אלע וועלכע זענען שוין געווען אנגעשטעקט און האבן שוין אנטוויקלט א געוויסע סארט אימיונעטי קעגן דעם, זיי קענען עס שוין נישט באקומען.
ווידער פון די אנדערע זייט האט עס א חסרון, אז מענטשן האבן זיך שוין נישט קיין געדולד צו אכטונג געבן, און מען הייבט אן נאכלאזן.... וואס דאס קען ברענגען צומאל אז די צווייטע כוואליע זאל זיין ערגער ווי די ערשטע רחמנא ליצלן ל''ע.
---------------------------
עס איז דא נאך א סארט צווייטע כוואליע, און לאמיר אלע מתפלל זיין אז סיי די פריערדיגע און אודאי נישט די כוואליע זאל חלילה נישט צוריק קומען.
דאס געשעט אויב די וויירוס/פלו געט זיך אביסל א טויש די גענעטישע צוזאמשטעל, וואס דעמאל'ס אפילו די וואס האבן שוין אימיוניטי אקעגן די וויירוס פון א האלב יאר צוריק, אבער די וויירוס האט זיך געטוישט אביסל און עס איז ווי א נייע פיינט רח''ל.
די כוואליע האט ביידע חסרונות
איינ'ס אז קיינער האט נישט קיין אימיוניטי דערקעגן, אפילו די וואס האבן זיך שוין ארויסגעדראפעט דערפון ביים ערשטן צייקל
צווייטנ'ס, מענטשן האבן שוין נישט קיין געדולד צו אכטונג געבן, וואס די צוויי פאקטארן קען עס מאכן סאך מער שעדליך ווי די אנדערע סארט ''צווייטע כוואליע''.
-------------------------------
ב''ה לויט ווי די פארשער זאגן יעצט, האט זיך ביז יעצט די וויירוס נישט געטוישט. וואס דאס מיינט אז לויט ווי מען האלט יעצט גייט נישט זיין די צווייטע סארט ''צווייטע כוואליע'' ב''ה.
בנוגע די ערשטע סארט צווייטע כוואליע, איז אבער איין נקודה נישט קלאר, ווילאנג די אימיוניטי פון די וויירוס האלט זיך, און אויב עס האלט זיך נאר אפאר חדשים ווי אנדערע האבן געברענגט דא היינט, דאן קען גאר זיין אז די צווייטע כווליע זאל ווייטער זיין א שטארקע רח''ל, ווייל קיינער איז נישט אימיונוט......
--------------
דאס אלעס איז די דרך הטבע, אונז אידן האבן דאך די טבע ביי אונז אין קליין קעשענע מיט אביסל נאסע תפילות...... מיר קענען אויס'פועל'ן מיט אונזער מויל עס זאל אינגאנצן אוועקגיין בעזר השם. ונתנם בכל שונאיך.